پروان قیشلاق‌لر نی رواجلنتیریش و قیته قوریش ریاستی مسئوللری، خلق‌ارا آزیق-آوقات تشکیلاتی آرقه‌لی پروان نینگ نیچه تومنیده ۹۷۲۵ نیازمند عایله گه ییگولیک ماده ترقه‌تیلگنی‌دن خبر بیرگنلر.
پروان قیشلاق‌لر نی رواجلنتیریش و قیته قوریش ریاست رئیسی عبدالصمد صادق، اوشبو خبر نی تصدیق‌لب سلام‌وطندار گه ایتیشیچه، هر بیر عایله گه ۵۰ کیلوگرام اون، ۵ لیتر یاغ، ۶.۵ کیلوگرام دال و توز یاردم بیریلگن.
بیزلرنینگ فیسبوک صحیفه‌میزگه باش اورینگ!
ایتیش کیره‌ک که، اوشبو یاردم‌لر اوتگن کون (دوشنبه، ۲۸-حمل)، ABPHO موسسه آرقه‌لی تطبیق و ترقه‌تیلگن.
پروان قیشلاق‌لر نی رواجلنتیریش و قیته قوریش ریاست رئیسی نینگ بیان قیلیشیچه، بو مقدار یاردم‌لر پروان ولایتی نینگ سیاگرد تومنیده ۳۷۰۰ عایله، جبل السراج تومنیده ۱۸۲۵ عایله، سرخ پارسا تومنیده ۱۴۵۰ عایله، شینواری تومنیده ۱۶۵۰ عایله، سالنگ تومنیده ۱۱۰۰ عایله، کوه صافی تومنیده ۱۳۰۰ عایله و بگرام تومنیده ایسه ۳۰۲۰ عایله گه ترقه‌تیلگن.
