تخار ده آلتین کانی ناقانونی قازیب چیقریلیشی؛ اوچ کانچی توپراق آستیده بند قالگن

تخار ده‌گی محلی منبع‌لر نینگ سلام‌وطندار گه ایتیشلریچه، یک‌شنبه کونی، ۲۷ حمل، اوشبو ولایت نینگ خواجه‌غار تومنی گه قره‌شلی «هزارباغ» قیشلاغیده آلتین کانی چپه بولیشی عاقبتیده، اوچ کانچی توپراق آستیده قالگن و اولر نینگ تقدیری حاضرگچه نامعلوم دیر.

قطر نینگ ۶۰ تُن‌لیک انسان پرور یاردم‌لری افغانستان گه ییتیب کیلدی

قطر نینگ ۶۰ تُن‌لیک انسان پرور یاردم‌لری بوگون (سه‌شنبه، ۲۹ حمل) افغانستان گه ییتیب کیلگن. قطر تشقی ایشلر وزیرلیگی نینگ دیپلمات‌لریدن بیری، اوشبو یاردم‌لرنی تاپشیریش مراسمی ده ایتیشیچه، مذکور مملکت دولتی افغانستان نینگ معارف وزیرلیگی گه خرما، قرطاسیه، قیز و اوغیل اوقووچیلر گه مکتب کییم_کیچگی شامل ۶۰ تُن ضروری مواد یاردم بیرگن.

سودان ده توقنشوولر عاقبتیده ۱۹۸۰ دن آرتیق کیشی اولیب و یره‌لنگن

بیرلشگن ملت‌لر تشکیلاتی، سودان ده اوچ کوندن بویان دوام ییتیب کیله‌یاتگن توقنشوولر تلفاتی آشیشیدن خبر بیریب ایتیشیچه، اوشبو توقنشوولر عاقبتیده ۱۸۰ دن آرتیق کیشی هلاک بولیب و کمیده بیر مینگ ۸۰۰ کیشی یره‌لنگن.

پروان ده بیر ییگیت اولدیریلدی

پروان امنیه قوماندانلیگی مسئوللری، مذکور ولایت نینگ جبل‌السراج تومنی حدودلری ده، محمد‌صادق ناملی ۲۵ یاشر بیر ییگیت نینگ اولدیریلگنیدن خبر بیرگنلر. پروان امنیه قوماندانلیگی سوزلاوچیسی محمد‌کامران حبیبی نینگ سلام‌وطندار گه ایتیشیچه، مذکور یاش ییگیت یک‌شنبه کیچه، ۲۷-حمل، تراویح نمازی نی اوقیش‌دن کیین، جبل‌السراج تومنی اطرافیده اولدیریلگن.