تخار ده‌گی محلی منبع‌لر نینگ سلام‌وطندار گه ایتیشلریچه، یک‌شنبه کونی، ۲۷ حمل، اوشبو ولایت نینگ خواجه‌غار تومنی گه قره‌شلی «هزارباغ» قیشلاغیده آلتین کانی چپه بولیشی عاقبتیده، اوچ کانچی توپراق آستیده قالگن و اولر نینگ تقدیری حاضرگچه نامعلوم دیر.
خواجه‌غار تومنی یشاوچیسی صدرالدین گه کوره: «آلتین کانی چپه بولیشی باعث ایکی کوندن بویان اوچ کانچی توپراق آستیده قالگن اولر حاضرگچه قوتقریلگن یوق. اوشبو تومن یشاوچیلری کمبغل‌لیک و عایله اعضالری نینگ نفقه‌سینی تأمینلش مقصدیده زرشویی‌لیک قیلیش گه مجبور دیر، مسئوللردن اولرنی قوتقریش اوچون تلاش قیلیش‌لرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
آلتین کان ایشلاوچیلریدن امیرمحمد نینگ ایتیشیچه: «آلتین کانی قولشی باعث ایکی کوندن بویان اوچ کانچی تونل ایچیده بند قالیشگن، قرینداش‌لری اولر نینگ تقدیری معلوم بولیشینی کوتماقده‌لر، لیکن محل یشاوچیلری و محلی مسئوللر نینگ سعی‌وحرکتی حاضرگچه نتیجه بیرگن یوق.»
شونینگدیک، تخار ولایتی خواجه‌غار تومنی اولسوالی اسماعیل فاروق، آلتین کانی قولشی باعث توپراق آستیده قالگن‌لرنی قوتقریش اوچون سعی‌وحرکت قیله‌یاتگنلریدن ایشانچ بیره‌دی.
بیزلرنینگ توییترده هم تعقیب قیلینگ!
عین‌حالده، تخار ولایتی نینگ قطار تومن‌لریده آلتین کان‌لری ناقانونی روشده قازیب چیقریلیشی، انده_سنده یشاوچیلردن قربان‌لیک آله‌دی.
