کابل شهری ده حکومت نینگ اطلاعات و میدیالر مرکزی ده مطبوعاتی ییغیلیش اوتکزگن شهرلر و اوی_جای‌لرنی قوریش وزیرلیگی نینگ مسئوللری، ۱۴۰۱_ییل ده اوشبو وزیرلیک نینگ درآمدی ۱۱ فایز کوپه‌یگنیدن خبر بیره‌دیلر.
شهرلر و اوی_جای‌لرنی قوریش وزیرلیگی نینگ زون‌لر اداره‌سی سرپرستی روح‌الله احمدی گه کوره، مذکور وزیرلیک اوتگن ییل ده ۵۳۰ میلیون افغانی درآمد ییققن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «۱۴۰۱_ییل ده اوی_جای قوریش، انشاآت و پلان‌لر بولیمیده ۵۳۰ میلیون درآمد ییغدیک، تعینلنگن هدف دن ۸۷.۶۶ فایز کوپ بولگن و ۱۱ فایز کوپه‌یشنی کورسته‌دی.»
شهرلر و اوی_جای‌لرنی قیته قوریش وزیرلیگی نینگ معینی علی‌کریمی بامیانی گه کوره، اوتگن ییل ده مذکور وزیرلیک نینگ ۶۹۹ میلیون بودجه‌سیدن ۷۱ فایزی صرفلنگن.
او نینگ ایتیشیچه: «۱۴۰۱_ییل ده؛ ۶۹۹ میلیون ۲۹ مینگ ۲۱۴ افغانی شهرلرنی قوریش وزیرلیگی گه بیریلگندی، ۷۱ فایزی صرفلنگن، شهرلرنی قوریش وزیرلیگی ۱۴۰۱_ییل ده ۱۴ ولایت ده ۱۷ شهری پلان طرحی نی تیارلب و مسئول اداره‌لر گه تاپشیرگن لغمان، سرپل، بلخ، فاریاب، قندوز و خوست ولایت‌لری نینگ رواجلنتیریش پلان‌لری هم توزه‌لگن.»
بیزلرنینگ توییترده هم تعقیب قیلینگ!
اوشبو ییغیلیش ده، شهرلر و اوی_جای‌لرنی قیته قوریش وزیرلیگی نینگ سرپرستی حمدالله نعمانی گه کوره، مذکور وزیرلیک اکثر ولایت‌لرده قیته قوریش ریجه‌لرینی یولگه قویگن.
شهرلر و اوی_جای‌لرنی قیته قوریش وزیرلیگی مسئوللری، جاری قویاش ییل ده ۳۷ شهری پلان توزه‌لگنیدن ایشانچ بیرگنلر.
