ملی المپیک کمیته و جسمانی تربیه‌لش عمومی ریاست مسئوللری نینگ ایتیش‌لریچه، آسیایی و خلق‌ارا المپیک یاردمی بیلن کابل ده عیاللر اوچون مخصوص سپورت انجمنی نی ایجاد قیلماقده‌لر.
ملی المپیک کمیته و جسمانی تربیه‌لش رئیسی نظرمحمد مطمئن نینگ ایتیشیچه، عیاللر سپورت فعالیت‌لری نی راحت بیر شکلده دوام بیریش‌لری اوچون مخصوص بیر سپورت انجمنی نی ایجاد قیلیش خصوصیده سعی و حرکت قیلهدی.
بیزلرنینگ توییترده هم تعقیب قیلینگ!
جناب مطمئن نینگ کوپه‌یتیریشیچه: «عیاللر گه خاص سپورت انجمنی نی ایجاد قیلیش موضوع‌سی نی آسیایی و دنیا المپیکی بیلن شریک قیلگن‌میز. اولر همکارلیک قیلیش خصوصیده ایشانچ بیرگنلر. بو انجمن نینگ بیرینچی ایشلری انجام بولگن و ان‌شاءالله کیله‌جک‌ده عیاللر اوچون خاص سپورت انجمنی گه ایگه بولیشی‌میز ممکن.»
اونگه گوره، دنیا سپورت اداره‌لری بعضی مورد‌لرده بهانه آختره‌دیلر و دنیا رقابت‌لریده اشتراک قیلگنی‌میز پیتده، اولر قیزلر مکتب‌لری نینگ آچیلشی خصوصیده سوراق سوره‌یدیلر.
شونده‌ی بیرحالده، اونینگ اورغولشیچه، سپورت سیاست‌دن اوزاق توخته‌یشی کیره‌ک و دنیا افغانستان سپورتی نینگ کوچلنتیریش مقصدی‌ده کوپینچه همکارلیک قیلیشی کیره‌ک.
اونینگ ایتیشیچه: «دنیا جماعه‌سی حاضرگچه افغانستان نینگ سپورت اداره‌سی نینگ باغلنیشی نی مین‌دن ایستمه‌گن، لیکن بویوک بیر ایسته‌گی بار که او مینی توانیم‌‌ده ایمس. قیزلر مکتب‌لری نینگ آچیلیشی نی ایسته‌دیلر. مکتب‌لر آچیلمه‌گنی صورت‌ده سپورت خصوصیده هم تاثیر قیلیشی ممکن.»
بیزلرنینگ فیسبوک صحیفه‌میزگه باش اورینگ!
جناب مطمئن گه کوره، مملکت نینگ اینگ قوی سپورت‌چیسی تورلی موضوع‌لر سبب، ممکلت‌دن کیتگن، انه شوو سبب اویین میدانی‌ده هم یخشی یوتوق‌لر یوق ایدی.
اونینگ کوپه‌یتیریشیچه، بو ییل سپورت‌چیلر تورلی بولیم‌لرده یالغیز ۱۴ مدال قولگه کیلتیرگنلر.
ایتیش کیره‌ک که، اسلامی امارت نینگ قدرت گه ایریشگنی و عیاللر خصوصیده چیکلاو یره‌تیلگنیدن کیین، مملکت‌ده سپورت‌چی عیاللر سانی کمه‌یگن دیر.
