بیرلشگن ملت‌لر تشکیلاتی جمعیت صندوقی نینگ اعلام قیلیشیچه، افغانستان آسیا بویلب آنه‌لر اولیمی کوپ بولگن مملکت‌لردن دیر. مذکور نهاد نینگ ایتیشیچه، افغانستانده هر ایکی ساعت‌ده بیر عیال، توغماق قیینچیلیگی باعث، جان بیره‌دی.
بوگون بیرلشگن ملت‌لر تشکیلاتی نینگ جمعیت صندوقی بیر گزارش ترقه‌تیش بیلن ایتیشیچه، افغانستانده هر ۱۰۰ مینگ توغماق‌دن، ۶۳۸ آنه جان‌لری نی قولدن بیره‌دیلر که آسیا و اقیانوسیه‌‌ده آنه‌لر اولیمی میزانی کوپ بولگنلیگینی کورسته‌دی.
بیزلرنینگ فیسبوک صحیفه‌میزگه باش اورینگ!
اوشبو نهاد نینگ آگاه‌لنتیریشیچه، افغانستانده آنه‌لر نینگ ساغلیگی زمانیده اولر گه بی فرق بلویب و یاردم بیریلمه‌گن صورت‌ده، اولر نینگ وضعیتی یامانلشی ممکن.
بیرلشگن ملت‌لر تشکیلاتی جمعیت صندوقی نینگ کوپه‌یتیریشیچه، افغانستان وضعیتی گه ایریشیش و انسان پرور یاردم‌لر اوچون، ۲۰۲۲-ییل‌ده ۲۵۰میلیون دالر مالی یاردم گه محتاج‌لر.
گزارش‌ده کیلیشیچه، یوکلی آنه‌لر نینگ ساغلیک احتاج‌لری گه ایریشیش و افغانستان نینگ ۹.۳ میلیون فقراسی جمله‌دن یوکلی یاش ده‌گی ۲.۲ میلیون عیال، ۲.۳ یاش باله و توغیش عرفه‌سیده قرار تاپگن ۲۸۹ مینگ عیال اوچون اوشبو مقدار پول طلب قیلینگن.
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی جمعیت صندوقی نینگ نماینده‌سی الکساندر ساشا بودیروزا گه کوره، افغانستان انقراضی برچه اهالی اینیقسه اوشبو مملکت نینگ خاتین قیزلری اوستیگه سلبی تاثیر قیلگن. او نینگ ایتیشیچه، ۲۰۲۱-ییل آگست آیی‌دن کیین، افغانستان بویلب جنسیت گه عاید زوروانلیک‌لر یوز بیریشیدن گزارش بیریلگن.
افغانستانده اینیقسه مملکت نینگ اوزاق حدودلریده آنه‌لر اولیمی، جدی خواطرلردن بولگن. سونگی نیچه آی‌ده، قشاق و کمبغل‌لیک‌لر سانی آشیشی و ساغلیک مراقبت لرگه قول تاپه آلمسلیک، آنه‌لر اولیمی کوپه‌یشی گه سبب بولگن موردلردن دیر.
