۱۱ قیشلاق دن تشکیل بولگن فاریاب ولایتی خواجه‌سبزپوش تومنی لقمان منطقه‌سی، اوشبو تومن نینگ چول منطقه‌لریدن سنله‌دی، بیراق مذکور منطقه ده ایچیملیک سوو یوق‌لیگی باعث، اوشبو منطقه یشاوچیلری کتته قیینچیلیک بیلن روپه‌ره‌لر.
مذکور منطقه بویوک‌لریدن بولمیش محمداعظم نینگ ایتیشیچه، لقمان منطقه‌سی یشاوچیلری دهقانچیلیک و چاروه‌چیلیک ایشلری بیلن مصروف دیر، بیراق اولر نینگ اساسی قیینچیلیگی ایچیملیک سوو یوق‌لیگی دیر.
اونگه کوره، حکومت و یاردم بیروچی دفترلر، لقمان منطقه‌سی قوشنی‌لری گه تانکر آرقه‌لی ایچیملیک سوو توزیع قیلیشه‌دی، لیکن اوشبو منطقه یشاوچیلری بو یاردم‌لردن محروم دیر.
بیزلرنینگ فیسبوک صحیفه‌میزگه باش اورینگ!
محمد اعظم نینگ ایتیشیچه: «بیز لرنی کوپ راق مشکلاتیمیز سوو دن، مخابراتی آنتن و برق هم مشکلاتیمیزدن، اما همه سیدن کوپراق سوو گه قیینچلیگیمیز بار بیز لرگه توجه بولمه‌گن، همسایه قریه لریمیزگه حکومت تانکر آرقه لی سوو ییتکیزیب بیره‌دی اما بیز لرگه بیریلمه‌یدی.»
خوجه سبزپوش تومنی لقمان منطقه‌سی یشاوچیلریدن باشقه بیری گل‌محمد نینگ ایتیشیچه، ایشک (مرکب) بیلن تورت بوشکه شیرین سوو کیلتیریش اوچون ۶ ساعت یول یوریدی و فرزندلری سوو کیلتیریش اوچون کون‌نی کیچ قیله‌دی.
گل‌محمد نینگ ایتیشیچه، منطقه لریده‌گی سوو شور دیر، حکومت دن ییچیملیک سوونی برچه قیشلاق یشاوچیلری گه عادلانه شکلده توزیع قیلیشنی طلب قیله‌دی. اونگه کوره: «تانکر لر بیز لردن اوتیب باشقه قریه لرگه سوو تاشیب بیره دی بیزلر اگر ایتسک بیزلرگه نیگه سوو بیریلمیدی، ایته دیلر که امر ایمس بیزلر بیلمدیک که نیگه امارت اسلامی کمکی دن محروم بولگن میز.»
فاریاب ولایتی خواجه‌سبزپوش تومنی اولسوالی محمدامین فرقانی، اوشبو موضوع نی تصدیقلب سلام‌وطندار گه ایتیشیچه، یاردم بیرووچی دفترلر مذکور تومن برچه قیشلاق‌لرینی تیکشیرگن و اوشبو قیشلاق‌لردن بیر قطاری گه ییچیملیک سوو ییتکیزیب بیره‌دیلر.
جناب فرقانی گه کوره، خواجه‌سبزپوش تومنی لقمان منطقه‌سی نینگ سوو ییتکیزیش پروژه‌سی حاضرگچه تصدیقلنمه‌گن، شونی اوچون اولر گه سوو توزیع بولمه‌یدی.
بیزلرنینگ توییترده هم تعقیب قیلینگ!
محمدامین فرقانی نینگ ایتیشیچه: «بو مردم لرنی هم قریه سی سروی بولگن بیراق هنوزگچه بولر گه سوو کمکی کیلمه‌گن، باشقه قیشلاق لردی کمکی کیلگن اولرگه سوو ترقه تیله‌دی اما بو مردم گه یوق، مین کته کان لر بیلن صحبت‌لشدیم پروژه چیقمه‌گن دیدیلر.»
فاریاب ولایتی خواجه‌سبزپوش تومنی لقمان منطقه‌سی، مذکور تومن نینگ چول منطقه‌لریدن دیر، ۱ مینگ عایله اوییرده تیریکچیلیک قیلماقده و اولر دهقانچیلیک و چاروه‌چیلیک ایشلری بیلن مصروف دیر، بیراق بیرین_کیتین قورغاقچیلیک‌لر، باشقه قیینچیلیکلر گه قوشیمچه اولرنی قیینچیلیکلرینی ایکی برابر کوپه‌یتیرگن.
