قندهار ولایتی پنجوایی و ژری تومنی نینگ ایکینچیلری و یشاوچیلریدن قطاری نینگ سلاموطندار گه ایتیشلریچه، اوشبو ولایت محلی مسئوللری دهله توغانی سووی نینگ ترقهتیلیشی خصوصیده، قندهار ولایتی نینگ فرقلی تومنلری آرهسیده تفاوت ایجاد قیلگنلر.
قندهار یشاوچیلری نینگ کوپهیتیریشلریچه، دهله توغانی نینگ سووی یالغیز ارغنداب تومنی یشاوچیلری گه قوییب یوباریلگن.
بیزلرنینگ فیسبوک صحیفهمیزگه باش اورینگ!
اولر گه کوره، پنجوایی و ژری تومنلری گه سوو نینگ قوییب یوباریلمهگنی صورتده، مذکور منطقهلر نینگ ایکینلری قوروش خوفی بیلن روپهره بولیشی ممکن.
قندهار محلی مسئوللری، سونگی یامغیرلردن کیین دهله توغانی نینگ سووی بیش زینهدن ۲۰ زینه گه یوقاری کیتگن و ایکینچیلیک اوچون سوو نی یوبارگنلر؛ بیراق منطقهلردن بیر قطاری گه سوو نینگ ییتیشمهگنی، یشاوچیلردن قطاری نینگ تنقیدلری سبب بولگن دیر.
پنجوایی و ژری تومنی یشاوچیلری نینگ ایتیشلریچه، سوو یالغیز ارغنداب تومنی نینگ ایکینلری اوچون قوییب یوباریلگن.
شوندهی بیرحالده، ارغنداب دریایی حوزه رئیسی شرافت نینگ سلاموطندار گه ایتیشیچه، اولر تامانیدن هر منطقه گه میراب تعیین بولگن و اونینگ اساسیده اهالی شکایتی نینگ حل قیلیشلری ممکن.
بیزلرنینگ توییترده هم تعقیب قیلینگ!
اونینگ اورغولشیچه، برچه تومنلر گه نوبت اساسیده سوو ییتیشیشی ممکن.
ایتیش کیرهک که، قندهار نینگ شاهولیکوت تومنیده دهله توغانی نینگ سووی، مذکور ولایت ۷ تومنی نینگ ایکینزارلری و باغلری نی سووغاریش آستیده قرار بیرگن دیر.