هلمند حق‌آبه‌سی خصوصیده افغانستان و ایران ارا تارتیشوولردن کیین، اوتگن کون ایران جمهورلیک ریاستی مسئوللری، کمال‌خان توغانی سووی ایران گه قویباریلیشیدن خبر بیردیلر.
افغانستان ایشلری بوییچه ایران نینگ مخصوص نماینده‌سی حسن کاظمی قمی، توییتری ده بیر ویدیو ترقه‌تیب ایتیشیچه، اولر نینگ دایمی دیپلماتیک تعاملی و عمومی دیپلماسی دن قوللنیش باعث، بری_بیر کمال‌خان توغانی نینگ بیر مقدار سووی ایران نینگ سیستان و بلوچستان تامانی گه قویباریلگن. افغانستان ایشلری بوییچه ایران نینگ مخصوص نماینده‌سی گه کوره، سوو جریانی دایمی طرزده قویباریلیشی اوچون سعی و حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
شو بیلن بیرگه، ایران و افغانستان نینگ چیگره نقطه‌سیده سوو باریشی، سیستان و بلوچستان یشاوچیلری نینگ ایریم عکس‌العمل‌لری گه روپه‌ره بولگن. ایران نینگ سیستان و بلوچستان اهالیسی اجتماعی ترماق‌لرده ویدیو ترقه‌تیب اوشبو منطقه گه سوو ییتیب باریشینی خوش قرشی‌لشگن.
عین‌حالده، نیمروز ده‌گی ایشانچلی بیر منبع آتی سِر قالیش شرطی بیلن سلام‌وطندار گه ایتیشیچه، نیمروز ده کمال‌خان سوو توغانی آچیلیشیدن تخمیناً ۱۰ کون اوتماقده دیر. اونینگ کوپه‌یتیریشیچه، مذکور توغان نینگ اضافه سووی ایران گه قویباریله‌دی. منبع گه کوره، کمال‌خان توغانی نینگ ثانیه ده ۲۰ دن ۳۰ متر مکعب سووی اهالی و دهقان‌لر نینگ نیازمندلیکلری گه بناً قویباریله‌دی.
باشقه تاماندن، سلام‌وطندار بیلن صحبت اوتکزگن اسلامی امارت سوو و برق وزیرلیگی نینگ سوزلاوچیسی اخترمحمد نصرت گه کوره، اولر نیمروز یشاوچیلری و دهقان‌لری نینگ نیازمندلیکلری گه بناً، کمال‌خان توغانی نینگ بیر مقدار سووینی قویبارگنلر. او ایران گه کمال‌خان توغانی سووی قویباریلیشینی رد قیلیب ایتیشیچه، بیر مقدار سوو ایران نینگ سیستان و بلوچستان ولایتی گه بارگن‌لیگی ممکن.
بیزلرنینگ توییترده هم تعقیب قیلینگ!
کمال‌خان توغانی نینگ سووی ایران گه قویباریلیشی گه دایر تورلی‌خیل گزارش‌لر عین‌حالده ترقه‌لماقده که، سونگی کونلرده ایران اسلامی جمهورلیک رسمی‌لری هلمند حق‌آبه‌سی خصوصیده تأکید ایتیب کیلگنلر. بوندن آلدین اسلامی امارت تشقی ایشلر وزیرلیگی نینگ سرپرستی امیرخان متقی بیلن اوچره‌شگن ایران تشقی ایشلر وزیری امیرعبداللهیان، هلمند سووی مسئله‌سی حل بولمه‌گن تقدیرده، ایکی مملکت نینگ مناسبت‌لری اوستیگه سلبی تاثیر قیلیشیدن آگاه‌لنتیرگن ایدی.
