هوا نینگ ساووق بولیشی و موسومی یامغیرلر نینگ یاغیشی بیلن، کابل یشاوچیلریدن قطاری یاقیلغی ماده‌لر اینیقسه تاش کومیر و یاغاچ قیمتی یوقارلیگی‌دن خواطر بیلدیریب ایتیشلریچه، قیش موسومی یتیب کیلیشی بیلن یاقیلغی ماده آلیش گه کوچلری ییتمه‌یدی.
کابل شهری یشاوچیلری یاقیلغی ماده‌لر قیمتی نینگ یوقاریلیگی و ساتیب آلالمسلیک‌لریدن شکایت قیلیب سلام‌وطندار گه ایتیشلریچه، یاقیلغی ماده‌لر قیمتی کون اوتیشی بیلن کوپه‌یماقده دیر.
بیزلرنینگ «ایکس» ترماغی ده هم تعقیب قیلینگ!
کابل شهری قلعه موسا منتطقه‌سیده‌‌گی ایشلاوچیلردن غلام دستگیر نینگ ایتیشیچه: «تاش کومیر و یاغاچ قیمت بولگن، ایش بولگن پیتده قیین‌چیلیگی یوق، بیراق ایش‌سیزلیک و هوا هم ساووق بولگن، کون اوتیشی بیلن هوا ساووق بولماقده. اسلام امیر‌لیگی‌دن بو توغریده بیراز توجه قیلیشلری نی ایسته‌یمیز.»
شونینگدیک اوشبو منطقه‌ده‌گی ایشلاوچیلردن باشقه بیری احمد بایر نینگ ایتیشیچه: «یاقیلغی ماده‌لر یوقاریلیگیدن شکایت قیله‌میز. یامغیرلر باشله‌گن و پولی‌میز هم یوق. ایش‌سیزلیک و ایش هم یوق. بو رقم بیر وضعیت‌ده یاقیلغی ماده‌لر قیمتی هم یوقاری دیر.»
شونده‌ی بیرحالده، کابل ده یاقیلغی ماده‌لر ساتووچیلریدن قطاری نینگ ایتیشلریچه، ساتیشلری بو ییل اوتگن ییل گه قره‌گنده سیزیلرلی درجه‌ده کمهیگن؛ بیراق اولر گه کوره، بو ییل یاقیلغی ماده‌لر قیمتی اوتگن ییل گه قره‌گنده کوپه‌یگن.
کابل نینگ چهارقلعه‌‌ی وزیرآباد منطقه‌سیده‌گی تاش کومیر و یاغاچ ساته‌دیگنلردن سیدهاشم نینگ ایتیشیچه، اوتگن ییل قیش موسومی ییتیب کیلیشی پیتده، کونده ۱۵ خروارگچه کومیر و یاغاچ ساتهر ایکنلر؛ بیراق بو ییل یاقیلغی ماده‌لر قیمتی یوقاریلیگی و اهالی نینگ ناتوان‌لیگی سبب، کونده ۲ خروارگچه یاقیلغی ماده ساته‌دیلر. «یاغاچ ساتیش ایشی بو ییل یخشی ایمس و اهالی نینگ کوچی ییتیشمه‌یدی؛ ۵-۱۰ کیشی کیله‌ر ایدی بو ییل ایشانینگ که، بیر کون بیر ایکی خروار ساته‌میز و حاضر ایسه ایکی کونده ۲ سیر نی کوپ قیین بیر شکلده ساته‌میز. هر ییل بو وقت‌ده کونده ۱۰ الی ۲۰ خروار ساتهر ایدیک.»
بیزلرنینگ فیسبوک صحیفه‌میزگه باش اورینگ!
عین حالده، مذکور منطقه‌ده‌گی تاش کومیر و یاغاچ ساته‌دیگنلردن باشقه بیری محمد‌باقر نینگ ایتیشیچه: «پوستلی یاغاچ نینگ بیر خرواری ۸۲۰۰ و بی‌پوست ایسه ۹۰۰۰، اهالی نینگ حقی بار. ایش‌سیزلیک دیر. اهالی نینگ یاغاچ آلیشی هم کمهیگن، کوپ آلگنلری صورت‌ده اوچ یا-ده تورت خروار دیر.»
ایتیش کیره‌ک که، هر ییل هوا نینگ ساووق بولیشی بیلن یشاوچیلر اوی‌لری نی ایسیتیش اوچون یاقیلغی ماده‌لردن قوللنه‌دیلر؛ بیراق یاقیلغی ماده‌لر قیمتی نینگ یوقاریلیگی اولر نینگ قیین‌چیلیک‌لری نی کوپه‌یتیرگن.
