اسلام امیرلیگی ایچکی ایشلر وزیری سراجالدین حقانی، کابلده چین ایلچیسی ژاوشینگ بیلن اوچرهشیب، افغانستان و چین اورتهسیدهگی علاقهلر کینگهیتیریلیش مسئلهلری حقیده بحث ایتگنلر.
ایچکی ایشلر وزیرلیگی سوزلاوچیسی عبدالمتین قانع، بوگون (۷ ثور/۲۷ اپریل، دوشنبه) ایکس صحیفهسیده بیر بیانیه ترقهتیب، اوشبو اوچرهشووده حقانی جنابلری، افغانستانده عمومی برقرارلیک تأمین ایتیلیشی، ایچکی قیینچیلیکلر حل ایتیلیشی و یشاوچیلر آسودهلیگی اوچون سعی-حرکت قیلهیاتگنلرینی ایتگن.
بیانیه گه کوره، اوچرهشووده، منطقهدهگی کیسکینلیکلرنی حل ایتیش اوچون چیننینگ سعی-حرکتلری بارهسیده توختهلیب اوتیلگن.
چین، سونگی تورت ییل دوامیده اسلام امیرلیگی بیلن سیاست و اقتصادیات بارهسیده یقین علاقهده بولیب و تورلی ساحهلرده جملهدن افغانستانده کانلرنی قزیب آلیش اوستیده کوپینچه سرمایه کیریتگن.
