اسلام امیرلیگی تشقی ایشلر وزیری امیرخان متقینینگ ایتیشیچه، آذربایجان و مرکزی آسیا مملکتلری بیلن افغانستان مناسبتلری عملی و امکانیتلرگه یونهتیلگن یاندهشوو اساسیده، آلدیندن کوپراق کوچهیگن.
متقینینگ بوگون (۲۶-جوزا، سهشنبه)، کابل ده افغانستان و مرکزی آسیا تدقیقات مرکزلری ییغیلیشیدهگی نطقیده کوپهیتیریشیچه، افغانستان مرکزی آسیا و جنوبی آسیا آرهسیده طبیعی بیر کوپریک صفتیده، منطقهای باغلهنیش اوچون کته امکانیت گه ایگه بولیب و بو مملکتده ییریک لایحهلردن قوللب-قوتلنیشگه نیاز بار.
تشقی ایشلر وزیریگه کوره، منطقه مملکتلری اوچون برقرار و تینچ کیلهجک یالغیز همکارلیک، اوزارا ایشانچ، منطقهای باغلهنیش و عمومی منفعتلرنی انگلش آرقهلی تامینلنهدی.
امیرخان متقی، افغانستان و مرکزی آسیا تدقیقات مرکزلری ییغیلیشینینگ علمی مذاکرهلرنی مستحکملش، فکر المشتیریشنی کینگهیتیریش، قوشمه بیلیملرنی یرهتیش همده همکارلیکنینگ ینگی امکانیتلرینی انگلش آرقهلی منطقه کیلهجگی اوچون ینهده یارقین امکانیتلرنی بیلگیلشیگه امید بیلدیرگن.
آذربایجان شامل مرکزی آسیا و افغانستان تدقیقاتی مرکزلری بیرینچی ییغیلیشی، منطقهای همکارلیکلر کوچهیشیده فکر اتاقلری استراتژیک اورنی اسمی آستیده، تشقی ایشلر وزیرلیگیده اوتکزیلگن.
