اسلام امیرلیگی تشقی ایشلر وزیرلیگی سرپرستی امیرخان متقی، قطر تشقی ایشلر بوییچه دولت وزیری محمد بن عبدالعزیز الخلیفی بیلن اوچرهشیب و ایکی تامانلمه مناسبتلر، همکارلیکلر کوچهیشی و بیر قطار منطقهای مسئلهلر توغریسیده صحبت قیلگنلر.
اسلام امیرلیگی تشقی ایشلر وزیرلیگی سوزلاوچیسی عبدالقهار بلخی، اکس صحیفهسیده بیر بیانیه ترقهتیب یازیشیچه، متقی مذکور اوچرهشووده ایکی مملکت آرهسیده دیپلماتیک مناسبتلر درجهسی آشیریلیشی توغریسیده امیدوارلیک قیلگن.
بیزلرنینگ «ایکس» ترماغی ده هم تعقیب قیلینگ!
بو اوچرهشووده امیرخان متقی، افغانستان گه قطرنینگ ترقیاتی و انسانسیورلیک بولیملردهگی یاردملرینی فایدهلی دیگن.
محمد بن عبدالعزیز الخلیفی دن نقل قیلینگن بیانیهده کیلیشیچه، او افغانستان بیلن مملکتینینگ مناسبتلرینی یقین دیب و تورلی بولیملرده همکارلیکلری کوچهیشیگه تاکید قیلگن.
شونینگدیک الخلیفینینگ کوپهیتیریشیچه، افغانستان گه فرهنگی، ساغلیق، سپورت و ایش کوچینی انتقال بیریش توغریسیده مملکتینینگ تیارگرلیگی بار.
بیزلرنینگ فیسبوک صحیفهمیزگه باش اورینگ!
امیرخان متقی اوشبو هفته دوشنبه کونی، رسمی بیر سفرده قطر گه بارگن.
بیرلشگن ملتلر تشکیلاتی خوفسیزلیک کینگشی ۷-ثور، یکشنبه کونی، متقی گه بیر هفتهلیک سفر معافیتی صادر قیلگنی حقیده خبر بیرگنی بیرحالده، بو سفر صورت تاپگن. مذکور کینگشنینگ تحریملر کمیتهسی بیانیهسیده کیلیشیچه، اوشبو سفرگه ۲۰۲۵-ییل ۲۷-اپریلدن ۴-می گه قدر قطر رسمیلری بیلن اوچرهشیش اوچون رخصت بیریلگن.
