۲۸–دلو شنبه کونی، اروپا نینگ ۱۲ مملکت تشقی ایشلر وزیرلیکلری مونیخ خوفسیزلیک ییغیلیشی یکونیده افغانستان ده انسان حقلری وضعیتی گه دایر قوشمه بیانیه ترقه‌تیب و بونی افغانستان نینگ خلق‌ارا تیزیمی گه قوشیلیش اوچون اصلی شرط‌لر دن عنوان قیلگنلر.
جرمنی تشقی ایشلر وزیرلیگی نینگ وبسایتیده ترقه‌لگن قوشمه بیانیه نینگ بیر بولیمی‌ده یازیلیشیچه: «اسلام امیرلیگی افغانستان خلقی نینگ یریمی‌نی عمومی حیات دن حذف قیلیشی و سیاسی قرارلری افغانستان کیله‌جگینی خوف بیلن دوچ قیله‌دی؛ حاضرگی عملدارلر تامانیدن افغانستان نینگ خلق‌ارا بیرگن وعده‌لری گه عمل قیلیشی اینیقسه انسان حقلری، افغانستان دولتی نینگ ینه بیر مرته خلق‌ارا تیزیم ده قوشیلیش اوچون اصلی نیازلردن سنه له‌دی.»
عین‌حالده کابل ده عیال حقوقی فعال‌لری و قیزلردن قطاری، اسلام امیرلیگی تامانیدن یره‌تیلگن چیکلاولر جمعیت ده عیاللر نینگ سوادسیزلیگی و آرتگه قالیشی گه سبب بولیشیدن آگاه‌لنتیریب و اسلام قدریت‌لری اساسیده عیاللر گه ایشلش و تعلیم حقی بیریلیشی اوچون اسلام امیرلیگی دن سیاستی گه اوزگریش کیلتیریشنی سوره‌یدیلر.
بیزلرنینگ فیسبوک صحیفه‌میزگه باش اورینگ!
بو توغریده عیاللر حقوقی فعالی حسیبا هاشمی نینگ ایتیشیچه: «کونسه‌یین چیکلاولر آشیریلماقده و عیاللر نینگ برچه غایه‌لری اورته‌دن کیتگن. یامان اقتصادی وضعیت‌ده قرار تاپگنلر. بوتوغریده فکر‌لری نینگ اوزگرتیریلیشی کیره‌ک.»
شونینگدیک اوقووچیلردن بیری سحر نینگ ایتیشیچه: «۱۰-صنف اوقووچیسی ایدیم و مکتب‌لر قیزلر یوزیگه یاپیلدی. درس‌دن اوزاق قالیب و افسرده بولدیم. اسلام امیرلیگی‌دن عیاللر و قیزلر یوزیگه درس و تعلیم نینگ آچیشی نی ایسته‌یمیز.»
شونده‌ی بیرحالده، حقوق ایش بیلرمانلری نینگ اورغولشیچه، اسلام امیرلیگی و دنیا همجمعیت بیر تور فکر قیلگن حالده عیاللر گه یره‌تیلگن چیکلاولر بیکار قیلینیب و اولر نینگ حقوقی تامین‌لنیشی ممکن.
بیزلرنینگ «ایکس» ترماغی ده هم تعقیب قیلینگ!
بیراق اسلام امیرلیگی سوزلاوچیسی ذبیح‌الله مجاهد ایکس صحیفه‌سیده بیر بیانیه ترقه‌تیش بیلن ایتیشیچه، بیر قطار کیشی‌لر ترغیبات ترقه‌تیش بیلن افغانستان ده تهدید و قورقو یره‌تیش اوچون سعی‌وحرکت قیلماقده‌لر.
مجاهد نینگ بیانیه‌سیده کیلیشیچه: «طالبان نینگ حاکمیتی ایکی ییل‌لیگیده عیاللر شامل مملکت برچه فقرالری نینگ حقوقی رعایت بولگن، یشاوچیلر نینگ جانی، مالی، حیثیتی و روحی خوفسیزلیگی تامینلنگن، ینه‌هم مغرض دایره‌لر افغانستان حقیده ناتوغری معلومات‌لرنی بو کبی ییغیلیش‌لر ده انتقال بیره‌دیلر.»
اسلام امیرلیگی سوزلاوچیسی اوشبو بیانیه ده اورغولشیچه، توطیه قیلووچی دایره‌لر هر قنچه ترغیبات قیلمه‌سین افغانستان ینه‌هم رواجلنیشی گه دوام بیره‌دی.
ایتیش کیره‌ک که، آلبانی، آندورا، بیلجیم، بلغارستان، کانادا، فرانسه، جرمنی، کوزو، لیختن اشتاین، مغولستان، هالند و رومانی تشقی ایشلر وزیرلیکلری بو بیانیه نینگ ترتیب قیلگن‌لردن دیر.
