سرپرست حکومت سوزلاوچیسی ذبیح‌الله مجاهد بوگون (پنجشنبه، ۳-حوت)، توماس نیکلاسون نینگ افغانستان ده عصیانچی گروه‌لر نینگ فعالیت قیلیشی گه دایر بیاناتی گه مناسبت بیلدیریب، دنیا مملکت‌لری افغانستان ده دایمی ثبات برقرار ایتیلیشی اوچون خواطرلرینی اسلام امیرلیگی بیلن شریک قیلیشی کېره‌ک دیگن.
سرپرست حکومت سوزلاوچیسی ذبیح‌الله مجاهد نینگ سلام‌وطندار گه ایتیشیچه، افغانستان ده داعش بیر یا که ایکّی فایز قالگن و اولر هم یوق قیلینماقده دیر.
بیزلرنینگ فیسبوک صحیفه‌میزگه باش اورینگ!
اونگه کوره: «داعش یوق قیلینماقده و یالغیز بیر یا که ایکّی فایز قالگن و اولر نینگ اویه‌لری یوق ایتیلگن و بو افغانستان اوچون یوتوق دیر و مملکت‌لر افغانستان ده دایمی ثبات برقرار ایتیلیشی اوچون اۉز خواطرلرینی بیز بیلن شریک قیلیشی درکار.»
اروپا اتفاقی مخصوص وکیلی توماس نیکلاسون، اوتگن کون ایکس اجتماعی صحیفه‌سیده، دوحه ییغیلیشی ده قطار مملکت‌لر نینگ وکیل‌لری برچه فقرالر نینگ سیاسی حقوقی رعایت بوله‌دیگن و دایمی ثبات برقرار ایتیلیشی و اسلام امیرلیگی بیلن قنده‌ی همکارلیک قیلیش اۉستیگه تاکید ایتگنلرینی یازگن.
نیکلاسون جنابلری گه کوره، دوحه ییغیلیشی ده قطار مملکت‌لر نینگ وکیل‌لری افغانستان ده اسلام امیرلیگی یوتوق‌لرینی آلقیشله‌گن؛ لېکن بیر قطار مملکت‌لر اوشبو مملکت ده عصیانچی گروه‌لر نینگ فعالیتیدن خواطر بیلدیرگنلر.
بیزلرنینگ «ایکس» ترماغی ده هم تعقیب قیلینگ!
عین‌حالده، سیاسی ایش بیلرمان‌لردن بیرقطاری نینگ ایتیشلریچه، مملکت‌لر عصیانچی گروه‌لر نینگ فعالیتی گه دایر خواطرلری حلی اوچون اسلام امیرلیگی بیلن تعامل قیلیش‌لری کېره‌ک.
ایتیش کېره‌ک، افغانستان وضعیتی گه دایر مملکت‌لر مخصوص وکیل‌لری نینگ ایکّینچی یییغلیشی اوشبو هفته یک‌شنبه و دوشنبه کون‌لری دوحه ده یولگه قۉییلدی؛ بیراق اسلام امیرلیگی اېستک‌لری بیرلشگن ملتلر تشکیلاتی تامانیدن قبول قیلینمسلیگی اوچون اوشبو ییغیلیش ده اشتراک قیلمه‌دیلر.
