اسلام امیرلیگی سوزلاوچیسی ذبیحالله مجاهد بوگون (چهارشنبه، ۲-حوت)، امریکا تشقی ایشلر وزیرلیگی نینگ سوزلاوچیسی متیومیلر نینگ، اسلام امیرلیگی افغانستان نینگ کیلهجک سیاستی یالغیز اویینچیلری ایمسلیک بیاناتی گه مناسبت بیلدیریب ایتیشیچه، دنیا مملکتلری اسلام امیرلیگی افغانستان وکیلی و افغانستان حکومتی ایکنلیگینی تن آلیشی کیرهک.
اونگه کوره: «اسلام امیرلیگی افغانستان خلقی و افغانستان حکومتی نینگ نمایندهسی دیر، دنیا مملکتلری بونی قبول قیلیشی کیرهک.»
مجاهد جنابلری نینگ کوپهیتیریشیچه، امریکا سونگی ۲۰ ییل ایچیده افغانستان نینگ ایچکی ایشلری گه ارهلشگن و ارهلشوو نتیجهسینی کورگن.
ذبیحالله مجاهد گه کوره امریکا اوتمیش ده افغانستان نینگ ایچکی ایشلری گه ارهلشوو ایشلریدن تجربه آلیشی کیرهک.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «امریکا سونگی ۲۰ ییل ایچیده افغانستان نینگ ایچکی ایشلری گه ارهلشیب تاتینی کورگن امریکا اوتمیش تجربهسیدن درس آلیشی درکار.»
شو بیلن بیرگه، امریکا تشقی ایشلر وزیرلیگی سوزلاوچیسی متیومیلر، اوتگن کون مطبوعاتی ییغیلیش ده دوحه ایکّینچی ییغیلیشی ده اسلام امیرلیگی وکیلی نینگ اشتراک قیلمسلیگی خصوصیده ایتیشیچه، اسلام امیرلیگی افغانستان نینگ کیلهجک سیاستی یالغیز اویینچیلری ایمس دیر.
اونگه کوره، امریکا افغانستان نینگ کیلهجک سیاستی ده برچه تامانلر جمله دن خاتین قیزلر نینگ رولینی قوللب-قوتلهیدی.
عینحالده، سیاسی ایش بیلرمانلردن بیرقطاری نینگ ایشانچی گه کوره، همهشمول حکومت شکللنیشی اسلام امیرلیگی نینگ تن آلینیش شریطلریدن بیری دیر.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان عزیز استانکزی نینگ ایتیشیچه، امریکا افغانستان ده همهشمول حکومت شکللنیشی و کیلهجک حکومت ده نمایندهلری قبول قیلینیشی اوستیگه تاکید ایتهدی.
اونگه کوره: «امریکالیکلر افغانستان نینگ کیلهجک حکومتی ده برچه تامانلمه حصهلری بولیشنی ایستهیدی و حاضرگی حکومت ده که حاضرگچه سرپرست دیر مقتدرلیک ایجاد بولمهگن.»
سیاسی ایش بیلرمانلردن باشقه بیری یوسف امینزازی نینگ ایتیشیچه، منطقه مملکتلر نینگ باسیملری همهشمول حکومت شکللنیشی گه سبب بولیشی ممکن. «منطقه و امریکا باسیملری، افغانستان نینگ کیلهجک سیاستی ده رولی و حصهسی بولیش گه سبب بولهدی.»
ایتیش کیرهک، اسلام امیرلیگی افغانستان ده قدرت نی آلیشیدن ایکّی ییل اوتگچ حاضرگچه هیچ بیر مملکت تامانیدن تن آلینمهگن.