قطر پایتختی دوحه شهری ده بوگون (یکشنبه، ۲۹-دلو) افغانستان وضعیتی گه دایر بیرلشگن ملتلر تشکیلاتی نینگ ایکّی کون‌لیک ییغیلیشی، مملکت‌لر و خلق‌ارا تشکیلات‌لر مخصوص وکیل‌لری نینگ حضوری و سرپرست حکومت وکیلی نینگ حضورسیزلیگی بیلن باشلنیشی کوتیله‌دی.
دوحه ییغیلیشی آجنداسی حاضرگچه بیللی بولمه‌گن بولسه ده، بیراق اوشبو ییغیلیش ده افغانستان نینگ وضعیتی، اسلام امیرلیگی بیلن جهان نینگ قنده‌ی همکارلیک قیلیشی و بیرلشگن ملتلر تشکیلاتی تامانیدن افغانستان اوچون مخصوص وکیل تعیینلنیشی و افغانستان اوچون بیرلشگن ملتلر تشکیلاتی باش کاتبی نینگ هماهنگ قیلووچیسی تامانیدن مستقل طرزده تیکشیریلگن گزارش بحث گه آلینیشی کوتیله‌دی.
اسلام امیرلیگی تشقی ایشلر وزیرلیگی رسمی‌لری، آذربایجان کابل ده ایلچی‌خانه‌سینی آچیش گه قرار قیلگنیدن خبر بیرگنلر. اسلام امیرلیگی تشقی ایشلر وزیرلیگی سوزلاوچیسی عبدالقهار بلخی بوگون (پنج‌شنبه، ۲۶-دلو) ایکس اجتماعی ترماغی ده، آذربایجان کابل ده اوز ایلچی‌خانه‌سینی آچیشینی یازگن.
اسلام امیرلیگی افغانستان ده قرارگاه‌لرینی یوق قیلگنینی دعوا قیله‌یاتگن اسلامی دولت یا که داعش گروهی نینگ خراسان بولیمی، حاضر هم افغانستان خصوصیده دنیا نینگ تشویش‌لریدن بیری سنله‌دی.
امریکا، بریتانیا و تورکیه بوندن آلدین افغانستان ده حربی فعالیت‌لردن حمایت قیلمسلیک‌لرینی ایتگنلر. اسلام امیرلیگی گه کوره، کابل ده تورکیه ایلچیسی میلادی اوشبو ییل ۱۸ جنوری سرپرست حکومت باش وزیرلیگی نینگ سیاسی اورین باسری محمد عبدالکبیر بیلن ملاقاتیده، مملکتی سرپرست حکومت مخالف‌لری گه سیاسی فعالیت قیلیش گه اجازه بیرمسلیگیدن ایشانچ بیرگندی. لیکن تورکیه دولتی بو سوزلرنی رسمی شکلده تصدیقلمه‌گن.
ایچکی ایشلر وزیرلیگی سوزلاوچیسی عبدالمتین قانع گه کوره، گوانتانامو قماقخانه‌سیدن قوییب یوباریلیب و عمان ده نظارت آستیده بولگن افغانستان‌لیک اوشبو ایکّی فقرا، بوگون (دوشنبه، ۲۳-دلو) کابل گه ییتیب کیلگنلر.
افغانستان ده ایران مخصوص ایلچیسی و نماینده‌سی حسن کاظمی قمی، بوگون (یکشنبه، ۲۲-دلو)، کابل ده اوشبو مملکت ایلچی‌خانه‌سیده ایران اسلامی انقلاب غلبه‌سی نینگ ۴۵-ییل‌لیگی مناسبتی یولگه قوییلگن خبری ییغین‌ده ایتیشیچه، ایران اسلامی جمهوریتی اسلام امیرلیگی بیلن همکارلیک‌لری نی کوچلنتیریش خصوصیده سعی و حرکت قیلماقده.
کیله‌سی بیر هفته‌گچه افغانستان وضعیتی گه دایر بیرلشگن ملتلر تشکیلاتی نینگ میزبان‌لیگی بیلن دوحه ییغیلیشی یولگه قوییلیشی کوتیله‌دی؛ بیراق بیرلشگن ملتلر تشکیلاتی تامانیدن اوشبو ییغیلیش ترکیبی و نهایی آجنداسی حقیده ایضاح کیریتیلمه‌گن. ایشانچ‌لر اساسیده دوحه ییغیلیشی ده افغانستان ده همه‌شمول حکومت شکللنیشی، افغانستان اوچون بیرلشگن ملتلر تشکیلاتی نینگ مخصوص وکیلی ایتیب تعیینلنیشی و اسلام امیرلیگی تامانیدن انسان حقلری رعایت ایتیلیش مسئله‌لری بحث گه آلینه‌دی.
قطر پایتختی دوحه شهری ده بیرلشگن ملتلر تشکیلاتی میزبان‌لیگی بیلن چمه‌سی ۱۰ کوندن سونگ افغانستان وضعیتی گه دایر مهم ییغیلیش اوتکزیلیشی کوتیله‌دی، بیراق اسلام امیرلیگی اوشبو ییغیلیش ده وکیلی نینگ اشتراک قیلیشی یا که قیلمسلیگی خصوصیده حاضرگچه نهایی قرار آلمه‌گن.
کابل ده امریکا ایلچی‌خانه‌سی آچیلیشی گه دایر گزارش‌لر ترقه‌لیشیدن سونگ، سرپرست حکومت سوزلاوچیسی ذبیح‌الله مجاهد نینگ ایتیشیچه، امریکا کابل ده ایلچی‌خانه‌سینی آچگن حالده، اسلام امیرلیگی خوش قرشی له‌یدی.
اسلام امیرلیگی باش وزیرلیگی سیاسی اورین باسری محمد عبدالکبیر نینگ ایتیشیچه، اسلام امیرلیگی نینگ دنیا بیلن علاقه‌لری کینگه‌یگن دیر.
سرپرست حکومت سوزلاوچیسی ذبیح‌الله مجاهد، چین ده اوشبو حکومت ایلچیسی بلال کریمی نینگ اعتبارنامه‌سی چین جمهور باشلیغی تامانیدن قبول قیلینیشینی بویوک یوتوق عنوان قیلگن.
سرپرست حکومت باش وزیرلیگی نینگ اداری اورین باسری عبدالسلام حنفی، قیرغزستان اقتصاد وزیری دانیارامان گلدیف ییتکچیلیگیده اوشبو مملکت هیئتی بیلن اوچرهشگن.
ساغلیقنی سقلش وزیرلیگی سرپرستی قلندر عباد، کابل ده چین ایلچیسی بیلن اوچرهشوو ده اوشبو مملکت دن افغانستان نینگ ساغلیق و شفاکارلر نینگ ظرفیتینی آشیریش بولیمیده همکارلیک قیلیشینی سورهگن.
سرپرست حکومت رسمی‌لری، ۳۰-جدی، شنبه کیچه، بدخشان ده قوله‌گن اوچاق نینگ تورت یولاوچیسی کابل گه انتقال بیریلگنینی معلوم قیلگنلر.
کابل ده تورکیه ایلچیسی جِنک اونال نینگ ایتیشیچه، مملکتی تورکیهده اسلام امیرلیگی گه قرشی سیاسی و حربی حرکت‌لر نینگ یولگه قوییلیشی خصوصیده هیچ کیم گه رخصت بیرمهیدی.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
