ساغلیق‌نی سقلش وزیرلیگی سرپرستی قلندر عباد، کابل ده چین ایلچیسی بیلن اوچره‌شوو ده اوشبو مملکت دن افغانستان نینگ ساغلیق و شفاکارلر نینگ ظرفیتینی آشیریش بولیمیده همکارلیک قیلیشینی سوره‌گن.
ساغلیق‌نی سقلش وزیرلیگی ۳-دلو، سه‌شنبه کونی، ایکس اجتماعی ترماغیده، اوشبو وزیرلیک سرپرستی قلندر عباد کابل ده چین ایلچیسی ژاو شنگ بیلن اوچره‌شیب، جمهوریت کسلخانه‌سی نینگ قیته قوریش، افغانستان‌لیک شفاکارلر نینگ ظرفیتینی آشیریش، ساغلیق بولیمیده سرمایه یاتقیزیش، کرونا و باله‌لر فلجی کسللری آلدی آلینیشی مسئله‌لری حقیده بحث ایتگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
بو اوچره‌شوو ده عباد جنابلری، تورلی ساحه‌لر اینیقسه ساغلیق بولیمیده افغانستان و چین نینگ مناسبتینی مهم دیب و ایکی تامانلمه همکارلیک بولیشی اوستیگه تاکید ایتگن.
ساغلیق‌نی سقلش وزیرلیگی سرپرستی انیق شکلده چین ایلچیسی دن افغانستان‌لیک شفاکارلر ظرفیتینی آشیریش ده اولر بیلن همکارلیک قیلیشینی سوره‌گن.
قلندر عباد نینگ کوپه‌یتیریشیچه: «افغانستان‌لیک شفاکارلر نینگ ظرفیتینی آشیریش بیرینچی ایشیمیز دیر، افغانستان ده بشری منبع کوپ ظرفیت‌لرینی آشیریش بولیمیده سرمایه یاتقیزیلیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
افغانستان ده چین ایلچیسی، ایکی مملکت آره‌سیده ایکی تامانلمه همکارلیک نی مهم دیب و ساغلیق بولیمیده بو ایکی مملکت نینگ همکارلیگی اوستیگه تاکید ایتگن.
ایتیش کیره‌ک، چین اسلام امیرلیگینی باشقه اولکه‌لر کبی تن آلگن بولمسه ده، بیراق افغانستان ده اسلام امیرلیگی حاکمیتیدن کیین بو مملکت بیلن تورلی ساحه‌لرده مناسبتی گه دوام بیریب کیلگن مملکت‌لردن بیری سنله‌دی.
