افغانستان ده ایران مخصوص ایلچیسی و نماینده‌سی حسن کاظمی قمی، بوگون (یکشنبه، ۲۲-دلو)، کابل ده اوشبو مملکت ایلچی‌خانه‌سیده ایران اسلامی انقلاب غلبه‌سی نینگ ۴۵-ییل‌لیگی مناسبتی یولگه قوییلگن خبری ییغین‌ده ایتیشیچه، ایران اسلامی جمهوریتی اسلام امیرلیگی بیلن همکارلیک‌لری نی کوچلنتیریش خصوصیده سعی و حرکت قیلماقده.
افغانستان ده ایران مخصوص ایلچیسی و نماینده‌سی نینگ ایتیشیچه، افغانستان ده جاری قیین‌چیلیکلر حلی اوچون ایران نینگ سعی و حرکت‌لریدن بیری، منطقه‌یی تماس گروهی نی تشکیل ایتیش ایدی که اونینگ بیرینچی ییغینی کابل ده قویاش جاری آی نینگ باشی‌ده یولگه قوییلگن.
بیزلرنینگ فیسبوک صحیفه‌میزگه باش اورینگ!
جناب قمی نینگ کوپه‌یتیریشیچه: «ایران افغانستان ده و منطقه بویلب ثبات کوچلنیشی اوچون، منطقه‌یی تماس گورهی نینگ طرحی نی پیشنهاد بیردی که ینگی‌لیکده افغانستان نینگ قوشنی‌لریدن نماینده‌لر نینگ حضوری بیلن مخصوص بیر ییغین کابل ده یولگه قوییلدی. بو تماس گروهی نینگ دستلبکی مقصدی، سیاسی امنیت ثباتی‌ده حاضرگی حاکم‌لر بیلن همکارلیک، اقتصادی وضعیت یخشی‌‌لنیشی و زمینه‌سازلیک ایدی و افغانستان اهالی‌سی گه یخشی شرایط‌ده ییره‌تیش دیر.»
حسن کاظمی قمی سوزلری نینگ بیر قسمی‌ده دنیا جماعه‌‌سی و افغانستان نینگ حاضرگی وضعیت اوچون عامل بیله‌دیگن مملکتلر گه خطاب قیلیب ایتیشیچه، اولر افغانستان نینگ قیته قوریلیشی اوچون مسئول دیر.
شونده‌ی بیرحالده، اوشبو ییغین‌ده اسلام امیرلیگی تشقی ایشلر وزیرلیگی سیاسی اورین‌باسری شیرمحمد عباس استانکزی، کابل و تهران آره‌سیده‌گی مناسبت‌لر کوچه‌یشی گه تاکید‌لب ایتیشیچه، بو ییل جریانیده افغانستان و ایران نینگ اونلب رسمی‌سی هر تامان‌لمه مناسبت‌لر کوچلنیشی اوچون بیر بیری نینگ مملکتی گه سفر قیلگن دیر.
بیزلرنینگ «ایکس» ترماغی ده هم تعقیب قیلینگ!
اسلام امیرلیگی تشقی ایشلر وزیرلیگی سیاسی اورین‌باسری نینگ کوپه‌یتیریشیچه: «اوتگن ایکی یریم ییل‌ده اسلام امیرلیگی و ایران آره‌سیده‌گی تورلی سیاسی، اقتصادی، فرهنگی و عمللی ساحه‌لرده‌گی علاقه‌لری نینگ رواجلنیشی و کینگه‌یشی تاثیرچین و اهمیت‌لی بولدی و اوشبو ایکی مملکت ایشانچ یره‌تیش خصوصیده حرکت قیلماقده و ایکی مملکت آره‌سیده اقتصادی علاقه‌لر کوپه‌یماقده. اوتگن بیر ییل‌ده ایکی مملکت مسئوللریدن اونلب کیشی ایکی تامان‌لمه همکارلیک‌لر کوچلنیشی مقصد، بیر بیری مملکتی پایتخت‌لری گه سفر قیلیب و اوتمیش گه قره‌گنده رابطه‌لری نینگ مستحکم قیلگنلر.»
ایتیش کیره‌ک که، اوتگن ایکی ییل‌ده ایران افغانستان بیلن حقابه و چیگره قیین‌چیلیکلری گه علاوه، اسلام امیرلیگی بیلن علاقه‌لری اینیقسه سیاسی و اقتصادی رابطه‌لری نینگ کینگه‌یشی خصوصیده سعی و حرکت قیلگن که، سرپرست حکومت هم بو ایکی ییل‌ده ایران بیلن اقتصادی رابطه‌سی نی کینگه‌یتیریش اوچون سعی و حرکت قیلگن.
