افغانستان فضاسیده امریکا نینگ اوچووچی‌سیز اوچاق‌لری اوچیشی دوامی‌ده، اسلام امیرلیگی سوزلاوچیسی نینگ اورین‌باسری حمد‌الله فطرت، اونینگ افغانستان قلمروی گه تجاوز عنوان قیلیب و امریکا دن اوشبو مملکت هوا حریمی گه حرمت قایل بولیشی نی ایسته‌گن.
جناب فطرت نینگ ایتیشیچه: «امریکالیک اوچووچی‌سیز اوچاق‌لر نینگ اوچیشی نی، افغانستان هوا حریمی گه تجاوز بیله‌میز و قاره‌له‌یمیز. امریکا دن افغانستان نینگ هوا حریمی گه حرمت قایل بولیشی نی ایسته‌یمیز.»
شونده‌ی بیرحالده، اوتگن ییل هم مملکت نینگ تورلی ولایت‌لریده امریکا نینگ اوچووچی‌سیز اوچاق‌لری اوچیشی پیتده، اسلام امیرلیگی نینگ مدافعه وزیرلیگی سرپرستی محمد‌یعقوب مجاهد، امریکا نینگ اوچووچی‌سیز اوچاق‌لری پاکستان توپراغیدن اوچیب و افغانستان نینگ هوایی حریمی گه کیره‌دی دیب اَیتگن ایدی.
بیزلرنینگ «ایکس» ترماغی ده هم تعقیب قیلینگ!
شونینگدیک اسلام امیرلیگی تشقی ایشلر وزیرلیگی نینگ سیاسی اورین‌باسری محمدعباس استانکزی، پاکستان اوز هوا قلمروی‌دن امریکا نینگ اوچووچی‌سیز اوچاق‌لری اوتیشی گه قرشی، میلیون‌لرچه دالر آله‌دی دیگن ایدی.
جناب فطرت، توپراقلریدن امریکا نینگ اوچووچی‌سیز اوچاق‌لری اوچیشی و افغانستان هوا حریمی گه کیریشی خصوصیده رخصت بیره‌دیگن مملکت‌لردن، مذکور اوچاق‌لر اوچیشی نینگ توخته‌تیلیشی نی ایسته‌گن.
اسلام امیرلیگی سوزلاوچیسی اورین‌باسری نینگ ایتیشیچه: «مملکت‌لردن اوز توپراغ‌لریدن افغانستان هوا حریمی نقض بوله‌دیگن اوچووچی‌سیز اوچاق‌لر نینگ اوچیشی گه رخصت بیریلمسلیگی نی ایسته‌یمیز.»
بوندن آلدین اسلام امیرلیگی سوزلاوچیسی ذبیح‌الله مجاهد نینگ ایتیشیچه، امریکا نینگ اوچووچی‌سیز اوچاق‌لری کوپراق قندهار و نیمروز ولایت‌لری فضاسیده اوچه‌دی.
عین حالده، سیاسی و حربی مسئله‌لری بوییچه ایش بیلرمانلردن قطاری نینگ ایتیشلریچه، امریکا منطقه‌ده اوز قدرتی نی سقلش اوچون، فضا یولی آرقه‌لی افغانستان دن نظارت قیلیش نی ایسته‌یدی.
اولر نینگ کوپه‌یتیریشلریچه، اسلام امیرلیگی امریکا بیلن اوچره‌شوو یولی آرقه‌لی بو قیین‌چیلیک نی حل قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
سیاسی و حربی مسئله‌لری بوییچه ایش بیلرمانلردن بیری صادق شینواری نینگ ایتیشیچه، امریکا فضا یولی آرقه‌لی افغانستان نینگ نظارت قیلیش نی ایسته‌یدی. اونینگ کوپه‌یتیریشیچه: «امریکا قدرت‌لی مملکت‌لر گه افغانستان ده صرف-خره‌جت قیلدیک و افغانستان ایشلری گه سیزلر اره‌لشمه‌یین دیب پیغام بیره‌دی و شونینگدیک باشقه بیر پیغام ایسه اسلام امیرلیگی گه دیر که افغانستان نینگ هوا حریمی حاکمیتی‌میز آستیده و ایسته‌گنیمیز ایش نی انجام بیره آله‌میز.»
شونینگدیک سیاسی و حربی مسئله‌لری بوییچه ایش بیلرمانلردن باشقه بیری عزیز استانکزی، سرپرست حکومت‌دن، بو قیین‌چیلیک‌نی دیپلماتیک یوللری آرقه‌لی حل قیلیش‌لری نی ایسته‌گن. «اولر اوچاق نی تانیش اوچون رادار فعال قیلسین و اوشبو اوچاق نینگ تیگیشلی بولگن مملکت بیلن، دیپلماتیک یوللری آرقه‌لی اوچره‌شسینلر.»
ایتیش کیره‌ک که، بوندن آلدین امریکا ۲۰۲۲-ییل نینگ آگست آیی‌ده، کابل ده القاعده ترماغی رهبری ایمن الظواهری نینگ اوز اویی‌ده اوچووچی‌سیز اوچاق آرقه‌لی اولدیرگنی نی ادعا قیلگن ایدی؛ بیراق اسلام امیرلیگی کابل ده القاعده رهبری نینگ اولدیریلگنی نی حاضرگچه تصدیق قیلمه‌گن.
