افغانستان سرپرست حکومت معارف وزیرلیگی مسئوللری ۱-حمل، چهارشنبه کونی، کابل شهری امانی لیسهسی مکتبیده قونغیراقنی چلیش بیلن، ینگی اوقوو ییلنی «قیز اوقووچیلر» نینگ حضورسیزلیگی بیلن باشلهدیلر.
افغانستانده آلتینچی صنفدن یوقاری قیز اوقووچیلر گه مکتبلر ایشیگی یاپیلیشیدن قریب اوچ ییل اۉتماقده. سرپرست حکومت ۱۴۰۰ییل ۲۴ اسد ده حاکمیت تېپهسیگه اېریشگچ، آلتینچی صنفدن یوقاری قیز اوقووچیلر نی کیینگی امرگچه مکتب باریشدن محروم قیلدی؛ اولر نینگ بو اقدامی ایچکی و خلقارا کېنگ کولمده تنقیدلر گه روپهره بولگن.
اۉتگن کون، اولکه یشاوچیلری و سابق حکومت رسمیلریدن بیرقطاری افغانستان سرپرست حکومتیدن آلتینچی صنفدن یوقاری قیز اوقووچیلر گه مکتب باریش اجازهسی بیریلیشینی سۉرهگنلر.
بیزلرنینگ فیسبوک صحیفهمیزگه باش اورینگ!
برچهسی بیلن معارف وزیرلیگی سرپرستی حبیبالله آغا، امانی لیسهسیده مکتب قونغیراغینی چلیش احتفالیده، قیزلر نینگ اوقووی گه اشاره قیلمسدن ایتیشیچه، بو وزیرلیک افغانستان نینگ اوزاق منطقهلری و قۉشنی مملکتلردن قیتگن بالهلر گه ستندرد تعلیمی خذمت زمینهسینی یرهتیب بیریشیدن ایشانچ بیردی.
معارف وزیرلیگی سرپرستی عایلهلردن ینگی اوقوو ییل باشلنیشی بیلن شرایط گه ماس بالهلرینی مکتبلر گه شامل قیلیشلرینی سۉرهگن. اونینگ کوپهیتیریشیچه: «مملکتده عصری و دینی اوقوو نصابی صفتسیز دیر و صفتسیز بیلیم بیلن یوتوققه اېریشه آلمهیمیز. بیز عصری و دینی بیلیم دنیا معیارلری تېنگ بولیشی اوچون تلاش قیلهیپمیز.»
معارف وزیرلیگی مسئوللری، افغانستان نینگ مسلکی و تخنیکی کدرلری اېنیقسه تعلیم و تربیه متخصصلریدن تعلیمی نصابنی معیاری قیلیش خصوصیده فکر-ملاحظهلرینی اولر بیلن شریک قیلیشنی اېستهیدیلر.
بیزلرنینگ «ایکس» ترماغی ده هم تعقیب قیلینگ!
عینحالده، اوشبو احتفالده اسلام امیرلیگی باش وزیری نینگ اداری اۉرین باسری عبدالسلام حنفی، زمانهوی بیلیم اوستیگه تأکید اېتدی. اونگه کوره: «زمانهوی بیلیم و تکنالوژی گه احتیاجیمیز بار. اۉروشلرده اوزاق منطقهلردهگی بالهلر تعلیمدن محروم بولدیلر و اوزاق منطقهلرده کوپراق مکتبلر قوریلیشنی اېستهیمیز و جمعیتده زمانهوی و دینی بیلیم گه احتیاجیمیز بار.»
شو بیلن بیرگه، آلتینچی صنفدن یوقاری قیز اوقووچیلردن بیرقطاری سرپرست حکومتدن اولر اوچون مکتبلر ایشیگی آچیلیشینی اېستهیدیلر.
کابل شهری ده «ذبیحالله عصمتی» مکتبیده آلتینچی صنف اوقووچیسی تهمینه نینگ سلاموطندار گه ایتیشیچه: «مکتب باره آلمسلیکدن جودههم خفه من. مکتبلر ایشیگی آچیلیشینی اېستهیمیز.»
کابل شهری ده «رحمان مینه» مکتبیده ۱۱ صنف اوقووچیسی پروانه گه کوره: «بو ییل ۱۲ صنف اوقیردیم، ییگیتلر مکتبی باشلندی و بیزلر نینگ مکتبیمیز باشلنمهدی، تشویش ده من. اسلام امیرلیگیدن بیز گه تحصیل قیلیش اجازهسینی بیریشنی سورهیمیز.»
شونینگدیک معارف وزیرلیگی مسئوللری گه کوره، آلتینچی صنفدن یوقاری قیز اوقووچیلر نینگ تعلیمی نصابی اوستیگه ایش آلیب باریلهیاتگنی اوچون مکتبلر ایشیگی آچیلمهگن و بو مسئله حل اېتیلیشی بیلن برچه قیزلر گه مکتب باریش اېزینی بیریلهدی.
