افغانستان منطقه ده سیاسی اوزگریش‌لرنی کوپراق تجربه قیلگن یالغیز مملکت دیر، هر سفر سیاسی توزیلمه اوزگریشی بیلن اردوسی پرچه‌لنیب و باشقه حربی سیمالر قولی گه توشگن. بو مسئله افغانستان ده حاضرگچه کوچلی اردو تشکیل بولمسلیککه سبب بولگن یگانه عامل دیر.
اسلام امیرلیگی ۱۴۰۰-ییل نینگ یاز موسومی ده حاکمیت گه ایریشیدن بیری کوچلی اردو تشکیل ایتیش گه سعی‌وحرکت قیلماقده، بو مقصد گه ایریشیش اوچون افغانستان بویلب عسکر آلیشنی باشله‌گن.
اسلام امیرلیگی اردوسی نینگ حاضرگی احوالی و ملی بولیش مسئله‌سینی، ۳۱۳ مرکزی قول اردو اورین باسری تورن جنرال امین‌الله طیب بیلن محاکمه قیلگن‌میز.
۲۰۰۵ و ۲۰۰۶-ییل‌لرده اسلام امیرلیگی امریکا و سابق تیزیم گه قرشی کوره‌ش اوچون عسکر آلیش جریانینی باشله‌گنده، بیر کونی قول اردو اورین باسری صفتیده تعیین‌لنیشینگیزنی اویلر دینگیز می؟
۲۰۰۴ و ۲۰۰۵-ییل‌لرده، دوست‌لریمدن بیری «شهید» بولدی؛ الله رحمت قیلسین. اشغالچیلر، دنیا طاغوتی، یهود و نصارا نی یوق قیلیب و بو ییردن چیقریش اوچون بیرگه بولدیک. بوتوغریده بحث قیلدیک، کوپ اویله‌دیک و استه-سیکین باشقه منطقه ده یار و دوست‌لرنی تاپدیک؛ تخمیناً آلتی کیشی بولدیک. ۲۰۰۷-ییل گچه آلتی کیشی ایدیک دعوت و تکتیکی ایشلر بیلن مشغول ایدیک. سی‌دی‌لردن قوللندیک و قریب ۵۰۰ دانه سی‌دی گه جهادی دعوت‌لر و جهادی دستورلرنی ثبت قیلیب توزیع قیلدیک. او زمان امکانیت آز ایدی. مقصدیمیز؛ افغانستان خلقی اشغال گه چیک قوییش، کفار، یهود و نصا را نی یوق قیلیب و اولرنی چیقریش ایدی. اوشبو آلتی کیشی دن ایکی نفری امریکالیک‌لر نینگ عملیاتی عاقبتیده شهید بولدی و باشقه بیری اولسواللیک ده یوزمه-یوز توقنشوو ده شهید بولدی. الحمدالله بیز اوچ کیشی حاضر تیریک میز. اسلامی توزوم مستحکم‌لنیشی اوچون خذمت قیلماقده‌میز.
آلتی کیشی بیلن مبارزه گه باشلب و بوگون قول اردو اورین باسری اوله‌راق بو ییرده سیز؟
هه! آلتی کیشی بیلن تخار، قندوز، بغلان و بدخشان نینگ بیر قسمتی ده مبارزه گه باشله‌دیک. بو قطغن‌زمین تورت ولایت ده مبارزه قیلر ایدیک. مثال صورتده، بُرکه، اشکمش، درقد و خواجه‌غار تومن‌لری و بدخشان ولایتی تشکان و کشم بیر قسمت‌لریده الحمدالله باردیک و دوست‌لریمیز بار ایدی، دعوت، هماهنگ‌لیک بیلن یشاوچیلرنی جلب‌وجذب قیلیش گه تلاش قیلردیک. الحمدالله استه-سیکین ۲۰۰۸ و ۲۰۰۹-ییل‌لرده مذکور تومن‌لر و قطغن‌زمین بو ولایت‌لرده ایشلر قولی‌لشیب باردی و یشاوچیلر اشغال، دموکراسی تیزیم گه قرشی توخته‌دیلر؛ اوروش و مبارزه گه باشله‌دیلر. الحمدالله بو مبارزه‌لر نتیجه‌سی باعث الله مسلمان‌لر گه بویوک فتوحات نصیب قیلدی.
مبارزه‌لرینگیز اوللریده، اسلام امیرلیگی بویوک‌لری بیلن علاقه ده ایدینگیزلر می؟
هه! مبارزه نی باشله‌گن پیتده، اسلام امیرلیگی بویوک‌لریدن بیرقطاری بیزنی رهبرلیک قیلر ایدی جمله دن ملا منصور صاحب امیرالمومنین، ذاکر صاحب (مدافعه وزیرلیگی نینگ حاضرگی اورین باسری ملا قیوم ذاکر)، و باشقه بیر قطار دوست‌لر بیلن علاقه گه بولیب اولر بیزنی رهبرلیک قیلیب و ایشلریمیزنی آلغه آلیب بارر ایدیلر.
غرب و باشقه مملکت‌لر نینگ حمایتی بیلن او زمان نینگ کوچلی اردوسی (سابق تیزیم ملی اردوسی) گه قرشی اوروش، سیزلر اوچون قولی ایدیمی؟
طبیعی که مهم ایش ایدی. بیز کوچلی اردو و برچه دنیا دن تشکیل بولگن ناتو گه قرشی توخته‌دیک. مقصدیمیز یالغیز الله رضاسی و شهید بولیش ایدی. بو مسئولیتنی الله بیزنی بوینیمیزگه تشله‌گندی و بیز بو ایشنی بجریش گه مسئول ایدیک چونکه الله قیامت ده سیزلرنی یورت‌لرینگیز ده یهود و نصارا باسیب کیلدی، جهاد فرض بولدی و سیزلر ایسه اوی‌لرینگیز ده قرار اولتیردینگیزلر می دیب سوال قیلمسلیگی اوچون. بو یول گه شهید بولیش و مسئولیتنی بجریش اوچون مبارزه گه باشله‌دیک. بو یولگه کوپ سانده دوست‌لریمیز شهید و یره‌لندی، ناگران بولدی و حاضر هم ناگران دیر. الله رضاسی ایکن که بیز تیریک قالدیک و بوگون اسلام امیرلیگی نینگ عسکری اوله‌راق خذمت قیلماقده‌میز.
اوروش‌لرینگیز عقیدتی اوروش بولیشگه قوشیمچه، امریکالیک‌لر نیمه دلیل مغلوب بولدی؟
باشقه دلیل‌لردن بیری بو که افغانستان ملتی، واقعی مسلمان و مجاهد پرور بیر ملت دیر و هیچ زوره‌وان و طاغوت نی بو ییرده بولیشنی ایستمه‌یدیلر. اصلی سببی شو دیر. هر مملکت و اوی ده سیزنی ایستمسه‌لر، حتماً سیز او ییرده بیر کون مغلوب بولیب و دربه‌در بولیب کیته‌سیز. افغانستان خلقی، امریکا و متحدلرینی ایستمه‌دیلر. سابق شوروی و متحدلری مغلوب بولگنی کبی، امریکا و متحدلری هم مغلوب بولدی.
حاضر وظیفه‌نگیز گه کیلسک؛ ایکی ییل دن سونگ اسلام امیرلیگی اردوسی قیسی احوال ده؟
الحمدالله افغانستان بویلب اسلام امیرلیگی نینگ ۱۰۰ فایز حاکمیتیدن کیین، بو ییرده اسلامی توزوم نی برقرار قیلگن. لا‌اله الا الله و محمد رسول الله یازیلگن بیرق بو ییرده حاکم دیر. اوشه کوندن بیری مدافعه وزیرلیگی چوکاتی ده خذمت قیلماقده‌میز، بیرینچی کون‌لرده چیگره ییتتینچی لوا ده قوماندان اوله‌راق ییتیب تعیینلندیم. اوشبو چیگره‌لر قوماندان‌لیگی آرقه‌لی بدخشان، قندوز و تخار نی کنترول قیلردیک. مینگه برچه وضعیت معلوم. الحمدالله اسلام امیرلیگی بویوک‌لری و مدافعه وزیرلیگیده‌گی حربی کدرلر، استه-سیکین آلغه باریشنی اویله‌یدیلر. یقینده اسلام امیرلیگی اردوسی کوچلی، مثبوت و خودکفا بولیشی ممکن. بونگه مین ایشانیب و ایمانیم بار.
اسلام امیرلیگی اردوسی نینگ پرسونلی سانی قنچه؟
الحمدالله اوتمیش زمان‌لرده سیناو بیرگنیمیز کبی حاضر هم سیناو آستیده میز. الله قرآن‌کریم گه ایته‌دیلر، «اعوذ بالله من الشیطان رجیم، کم من فئه قلیله غلبت فئه کثیره»
اگر بیز آز هم بولسک، الحمدالله کوچی‌میز کوپ دیر. ملی اردو تشکیلاتی قریب ۱۵۰ مینگ کیشی دیر. اوتگن کوکلم ده مدافعه وزیرلیگی ده تشکیلات تیکشیریلدی. برچه قول اردو قوماندان‌لری بار ایدی. قریب ۳۵ مینگ کوچی تشکیل گه علاوه قیلیندی؛ یعنی مدافعه وزیرلیگی تشکیلی ۱۸۵ مینگ دیر. ینگی ییل ده تشکیلات تیکشیریلیب و سانی ایکی یریم و ۳۰۰ مینگ گه ایریشیش گه امیدوار میز؛ چیگره‌لر اساسی روشده قوروق‌لنیشی، قتناو یوللر، شهرلر خوفسیزلیگی تامینلنیشی اوچون تلاش قیله‌یپمیز.
اسلام امیرلیگی اردوسی تشکیلی ده، سابق اردو حربی‌لری (جمهوریت تیزیمی) دن هم بار می؟
هه! جهاد پیتیده الله رضاسی اوچون اوروش قیلیب و اشغال گه چیک قوییش شعاریمیز ایدی. اردو و پولیس ده بولگنلر گه، سیزلر بیلن هیچ ایشیمیز یوق‌لیگینی ایتر ایدیک. امریکالیک‌لر گه ایشیمیز بار ایدی و اولرنی بو ییردن چیقریشنی ایستر ایدیک. نظامی اداره‌لر و اردو گه ایشله‌گنلر، مفسد بولمه‌گن کیشی‌لرنی جذب قیلدیک و یوقاری لوازم‌لرده حاضر هم ایشله‌ماقده‌لر.
سابق اردو حربی‌لری قیسی لوازم و درجه‌لرده وظیفه اجرا قیلماقده‌لر؟
عسکر، بریدمل و حتا جنرال‌لیک لوازم‌لرده وظیفه بجریب و حاضر خذمت قیلماقده‌لر.
۳۱۳ مرکزی قول اردو نیچه ولایت ده فعالیت قیلماقده؟
الحمدالله ۳۱۳ مرکزی قول اردو، اسلام امیرلیگی سابق حاکمیتیده هم کوچلی بیر قول اردو ایدی. اوشه پیت‌لر هم مرکزی ولایت‌لر خوفسیزلیگنی کنترول قیلر ایدی. حاضر ۳۱۳ مرکزی قول اردو، مرکزی ولایت‌لر خوفسیزلیگینی تامینلش، نظم و ترتیب گه سالیش ایشلری بوییچه خذمت قیلماقده. کاپیسا، بامیان، میدان‌وردک، پروان و کابل شهری که حاضر ۷.۵ میلیون نفوسی بار، ۳۱۳ مرکزی قول اردو تامانیدن کنترول بوله‌دی. ولایت‌لر خوفسیزلیگی اوچون خذمت قیلماقده‌میز، البته سونگی کون‌لرده بگرام فرقه‌سی مستقل بولگن و مدافعه وزیرلیگی رهبریتی کاپیسا و پروان ولایت‌لرینی بونگه قوشگن و حاضر ایشلری یخشی روشده آلغه بارماقده.
اوشبو قول اردو نینگ جهازلری و امکانیت‌لری قیسی درجه ده؟ سابق تیزیم جهازلریدن ایش آلماقده‌سیزلر می یا که ینگی ساتیب آلینگن می؟
۳۱۳ مرکزی قول اردو ییترلی امکانیت گه ایگه دیر. جهاز، نقلیه واسطه، آغیر و یینگیل قورال-یراغ ییترلیچه بار. مجاهدلریمیز برچه لحاظ دن جهازلنگن و آلدیدن بولگن برچه امکانیت‌لر محفوظ دیر و یخشی روشده محافظت بولماقده. بونگه قوشیمچه اسلام امیرلیگی کوچلی بیر تیزیم قوریش اوچون اختراعات کمیته‌سینی ایجاد ایتگن. او ییرده اردو گه ضرورت بوله‌دیگن نرسه‌لر توزه‌تیلماقده. بو کمیته اوستون بیر کمیته بولیب و باشقه نرسه‌لرنی توزه‌تیش ایشلری بیلن مصروف دیر. او ییرده مسلکی و نظامی کیشی‌لر تعیینلنگن. بو کمیته ده مملکت ده ایشلب چیقریلگن ملی اردو نینگ حربی برچه جهازلری تیکشیریله‌دی، بو افغانستان خلقی اوچون کتته یوتوق سنله‌دی، الحمدالله بیز-سیزلر اوزیمیزنی تامینلش تامان حرکت گه میز.
خوفسیزلیک نی تامینلش بولیمیده ۳۱۳ مرکزی قول اردو یانیده، پولیس، استخبارات و باشقه نهادلر هم بار. امنیت تامینلنیش اوچون بو اداره‌لر آره‌سیده هماهنگ‌لیک قنده‌ی؟
آلدینراق هم ایتیب اوتدیم افغانستان پایتختی کابل ده تورلی قوم‌لردن ۷.۵ میلیون کیشی تیریکچیلیک قیلماقده. بو ییرده مارکیت، وزارت‌خانه‌لر، ایلچی‌خانه‌لر بار. امنیت یخشی تامینلنیشی، هییت بیره‌م‌لری، محرم خوفسیزلیک‌لری تامینلنیشی اوچون یوقاری ده ایسلنگن اداره‌لر بیلن جلسه قیله‌میز. محرم خوفسیزلیگی اوچون قریب ۱۱ مینگ مجاهد وظیفه‌لنتیریلگن ایدی. محرم خوفسیزلیگی اوچون قریب ۱۲ کون اطراف تاغ‌لر، بازارلر و مارکیت‌لر ده اهالی امنیتینی تامینله‌دیک. اوچینچی کمربند ده مرکزی قول اردو مجاهدلری ایدی؛ یعنی الحمدالله امنیت آلیندی و امنیت برقرار ایتیلیشی مقصدیده هر کونی جلسه آلینه‌دی.
کابل یشاوچیلری سونگی کونلر ده آدم اوغیرلاوچیلیک و اوغریلیک کوپه‌یگنیدن شکایت قیله‌دیلر؟
نیچه کون آلدین بعضی واقعه‌لر یوز بیرگن ایدی. بیری پغمان منطقه‌سیده یوزبیرگندی الحمدالله اسلام امیرلیگی کوچلری ۷۲ ساعت ایچیده مذکور کیشی‌لرنی قولگه آلیب و یوق ایتدیلر، اوشبو تجارنی آزاد قیلدیلر. شونینگدیک پل‌چرخی و ارزان‌قیمت ساحه‌سیده هم بیر واقعه یوز بیرگن ایدی، بیر یریم کوندن کیین، بو کیشی‌لر یوق ایتیلدی و موجود قیینچیلیک حل بولدی. اوغریلیک آلدیندن هم بار ایدی بو ایشگه قطار کیشی‌لر اورگنیب قالگنلر. الحمدالله اسلام امیرلیگی مجاهدلری بوتوغریده دقت قیلیب بو کبی ایشلر گه رخصت بیرمه‌یدیلر.
یعنی کابل اوچون هیچ قنده‌ی خوفسیزلیک تهدید یوق می دیب اویله‌ی سیز؟
یوق! الحمدالله کابل تورلی خیل کیشی‌لر یشه‌یدیگن شهر دیر. کابل شهری خوفسیزلیگینی تامینلش قیین. اوتمیش ده قیینچیلیک کوپ ایدی و حاضر مجاهدلر نینگ اخلاصی، خوفسیزلیک کوچلر نینگ فداکارلیک‌لری بیلن الحمدالله کابل تینچ دیر. بو ییر ده هیچ یامان‌لیک کوریلمه‌یدی، الحمدالله احوال یخشی دیر.
کابل ده ایریم حرکت‌لر کوزه‌تیلماقده، ایکی هفته آلدین برچی ده ایکی پارتلش یوز بیردی؟
بیر قطار کیشی‌لر عقده‌مندلیک و سابق دوست‌لرنی خورسند قیلیش اوچون بونده‌ی حرکت‌لر گه قول اوره‌دی. بونده‌ی هجوم‌لر گه قولی بولگنلر حبس گه آلینگنلر.
مقاومت و آزادی جبهه‌لری کبی گروه‌لر، کابل شهری ده حرکت باشله‌گن‌میش. بو گروه‌لر سیزلر اوچون تهدید ایمس می؟
بولر نینگ فیسبوک و وتس‌اپ ده ریکلام‌لری بار؛ در حقیقت هیچ یوق. بوتوغریده تعلیم کورگن شهری قطعه‌لرنی فعال قیلگن‌میز، مجاهدلر تون-کون اویغاق، اوچتله ارگان‌لر بوتوغریده دقت قیله‌دی، چاره تدبیر کوریلگن حرکت بولگن حالده خنثا بوله‌دی.
خوفسیزلیک تامینلنیشی اوچون یشاوچیلر نینگ همکارلیگینی قنده‌ی کوزه ته‌سیز؟
کابل شهری خوفسیزلیگی تامینلنیشی اوچون یشاوچیلر مجاهدلر و امنیتی اداره‌لر بیلن همکارلیک قیلماقده‌لر. نیچه آی آلدین پل‌چرخی ساحه‌سیده بیر کیشی اختطاف بولگن ایدی، دکاندارلر نینگ یاردمی بیلن بو کیشی‌لر نینگ قولگه آلدیک. یشاوچیلر اسلام امیرلیگی مجاهدلری بیلن هم یخشی همکارلیک قیلماقده‌لر. کابل شهری خوفسیزلیگی اساسی روشده تامینلنیشی خصوصیده اسلام امیرلیگی اینیقسه مدافعه وزیرلیگی نینگ ریجه‌لری بار، تاغ‌لر و تیپه‌لرده الحمدالله ملی اردو امکانیتی بیلن سرک قوردیک. پوسته نیازی بولگن تاغ‌لرده پوسته توزه‌تدیک. قریب ۳۵ و ۴۰ پوسته قوریب و سرک توزه‌تدیک. سرکی بولمه‌گن هیچ تاغ یوق. عادی و مخصوص کون‌لرده مجاهدلر کابل شهری خوفسیزلیگی اوچون تلاش قیلماقده‌لر. البته افغانستان بوتون خلقی اینیقسه کابل شهری اهالیسی دن ملی اردو بیلن همکار بولیش‌لرینی ایسته‌یمیز. مجاهدلرنی فرزندلری اوله‌راق کورسین‌لر؛ چونکه یورت و یشاوچیلر نینگ شرفی اوچون مجاهدلر جهاد قیلیب، قان توکیب و شهید بولدیلر. انه شوو اولکه نینگ آزاد قیلیش اوچون مجاهدلر کوپ قیین‌چیلیکلر کوردی. امرالمومنین منصور صاحب‌دن اینگ سونگی عسکر گه قدر، اسلام امیرلیگی نینگ برچه مجاهدی زحمت چیکدی، امریکالیک اوچاغ‌لر، ماین‌لر آستیده و اوروش‌لر بیلن روپه‌ره بولیب، قنچه قیین‌چیلیکلر چیکدیلر، توزوم قوردیلر، اردو قوردیلر، ملت اوز اردولری بیلن همکار و هم‌درد بولیشلری کیره‌ک. هر قچان بیر قیینچیلیک اوستلری گه کیلگنی‌ده بیزلر نی چقیرسینلر، ان‌شاءالله بیزلر وقتی‌ده اوزی‌میز نی ییتیشتیره‌میز.
اسلام امیرلیگی اردوسی گه قوشیلیش اوچون ییگیت‌لر نینگ قیزیقیشی قنده‌ی؟
الحمدالله اسلامی اردو عقیده‌یی بیر اردو، بو اردو ییگیت‌لردن تشکیل بولگن، ایمان‌لری، اخلاص‌لری، عقیده‌لری کامل دیر و اردو ده بو کبی کیشی‌لر بار. اسلامی اردو گه باریشنی ایسته‌گن کیشی‌لر نینگ اخلاصی، عقیده‌سی و ایمانی کامل. اسلام امیرلیگی اردوسی نینگ ایشیگی برچه کیشی یوزی گه آچیق و دایم خذمت‌ده میز.
اسلام امیرلیگی اردوسی سابق حکومت اردوسی گه قره‌گنده نیمه خصوصیت‌لری بار؟
فرقی شو که، سابق توزوم‌ده، اولر معاش اوچون خذمت قیلر ایدیلرو اسلامی اردو عسکرلری حاضرگی کونده، معاش اوچون خذمت قیلمه‌یدیلر، بلکیم افغانستان ده اسلامی حقیقی بیر توزوم شکللنیشی اوچون کیچه و کوندوز خذمت قیله‌دیلر؛ معاشلری بولسه بولمسه! اولر خذمت قیلماقده‌لر و خذمت قیله‌دیلر؛ اوتگن ۲۰ ییل‌ده‌گی تجربه‌لر گه کوره، مجاهدلر بیر نان و اوز توپراقلری بیلن آغیر ایشلر نی بجرگنلر. تاغ‌لر و دشت‌لرده، اوروشگنلر. افغانستان اسلام امیرلیگی اردوسی، اوتمیش‌ده بولگن عقیده، اخلاص و اطاعتی بیلن، حاضر هم بار. اونده هیچ قنده‌ی فرق کیلمه‌گن، کون اوتیشی بیلن عقیده‌یی بولیمیده ایشلنه‌دی. مجاهدلر و اسلامی اردو عقیده‌سی نی مستحکم‌لش اوچون الحمدالله ایش دوام ایتماقده.
یشاوچیلر، خوفسیزلیک کوچلر نینگ رسمی یونیفورمی یوق‌لیگیدن دایم شکایت قیله‌دی. یعنی ملی اردو عسکرلری و قورالی بولگن باشقه عسکرلر آره‌سیده فرق یوق می؟
یخشی‌راق اطاعت و قیینچیلیک حلی اوچون مدافعه وزیرلیگی رهبری آرقه‌لی، برچه ایشلاوچیلر و ملی اردو مجاهدلری نینگ حربی یونیفورم‌لری بولیشی خصوصیده حکم صادر بولگن. ایرتنگ ساعت ۸:۰۰ دن توش‌دن کیین ساعت ۰۳:۳۰ گه قدر مجاهدلر نینگ رسمی یونیفورم‌لری بار و اوز ایشلرینی بجره‌دیلر. کونسه‌یین یخشی یوتوق‌لر گه ایگه بولماقده‌میز. الحمدالله بو موضوع‌لر برچه‌سی نینگ یخشی‌راق بولیشی ممکن.
افغانستان قچان تعلیم کورگن، منظم و شخصیت‌لی اردو گه ایگه بولیشی ممکن؟
الحمدالله بوندن آلدین سیزلر گه بیان قیلدیک، ایکی یریم ییل-اوچ ییل کوپ بویوک بیر امید قولیمیز گه کیلگن، اسلام امیرلیگی یخشی و مستحکم بیر اردو توزته آلدی. بو توغریده ایشی یخشی شکلده آلغه بارگن. کوپینچه ایش نینگ دوامی بار، یعنی تیزلیککه ان‌شاءالله کیله‌سی بیر یا-ده ایکی ییل‌گچه، جهازلنگن، خودکفا و کوچلی بیر اردو نی کوره‌میز.
