امریکا تشقی ایشلر وزیرلیگی دنیا ده بشری حقوق وضعیتی اساسیده ییل‌لیک گزارشی‌ده، افغانستان ده بشری وضعیت اینیقسه عیال‌لر حقیده اسلام امیرلیگی نینگ بیر قطار فرمان‌لری‌دن خواطر بیلدیرگن.
اوتگن دوشنبه کونی، ۳-ثور ترقه‌تیلگن بو گزارش گه قرشی اسلام امیرلیگی افغانستان ده اسلامی شریعت اساسیده بشری حقوق تامین‌لنیشی گه تاکید قیلگن. شونینگدیک اسلام امیرلیگی امریکا و باشقه مملکتلردن غرب مدنیتی نینگ باشقه مملکتلر گه تحمیل قیلمسلیکلری نی ایسته‌گن.
بیزلرنینگ «ایکس» ترماغی ده هم تعقیب قیلینگ!
بو توغریده اسلام امیرلیگی سوزلاوچیسی اورین‌باسری حمد‌الله فطرت نینگ سلام‌وطندار گه ایتیشیچه: «غرب دنیا‌سی، اسلامی بیر مملکت بولگن افغانستان ده غربی بشری حقوق نی ایسته‌یدی. بو افغانستان ده غرب مدنیتی نی تطبیق قیلیش دیر و افغانستان‌لیکلر بو نی هیچ وقت ایستمه‌یدیلر.»
عین حالده، بیلرمانلردن قطاری بشر حقوقی مسئله‌لری اساسیده امریکا رفتاری‌دن تنقید‌لب و ایتیشلریچه، امریکا حقوق مسئله‌لریدن قوللنیش بیلن افغانستان کبی مملکتلر گه باسیم قیلتیریش نی ایسته‌یدی.
بو توغریده سیاسی مسئله‌لر بیلرمانی عبدالقدیر قانت نینگ ایتیشیچه: «بشر حقوقی امریکا اوچون بیر وسیله بولگن که بو یول آرقه‌لی اسلامی ملتلر و ضعیف مملکتلر گه باسیم کیلتیره‌دی.»
باشقه بیرتاماندن مذکور بیلرمانلر نینگ ایتیشلریچه، اسلام امیرلیگی اوتگن ایکی ییل‌ده حاضرگی تقدیر‌سیز وضعیت‌دن افغانستان نی چیقریش و بو حکومت نینگ رسمیت گه تانیلیشی خصوصیده اونملی شرط‌لردن بولگن همه شمول حکومت تشکیل بولیشی اوچون ایسته‌لگن آدیم‌لرنی آلمه‌گن.
بیزلرنینگ فیسبوک صحیفه‌میزگه باش اورینگ!
بو توغریده سیاسی مسئله‌لر بیلرمانلریدن محمدباقر محسنی نینگ ایتیشیچه: «اسلام امیرلیگی بشر حقوقی و همه‌شمول حکومت تشکیل ایتیلیشی‌ده کیره‌کلی توجه نی قره‌تمه‌گن. بو دنیا جماعه و افغانستان اهالی‌سی نینگ ایسته‌گی دیر. انه شوو سبب اسلام امیرلیگی بو موردلرده افغانستان اهالی‌سی نینگ نیازلری و شرایطی گه توجه قیلیشی کیره‌ک.»
ایتیش کیره‌ک که، امریکا تشقی ایشلر وزیرلیگی گزارشی‌ده افغانستان ده قدرت‌نی قمراو گه آلیشدن هم تنقید‌لنیب و اسلام امیرلیگی نینگ رسمیت گه تانیش اوچون حاضر امریکا نینگ قراری بولمه‌گنی گه هم تاکید بولگن.
