ارگ ایکس اجتماعی ترماغی ده بیر خبرنامه ترقه‌تیب، اسلام امیرلیگی باش وزیری نینگ اداری اۉرین باسری عبدالسلام حنفی، افغانستان اوچون اسلامی همکارلیک تشکیلاتی نینگ مخصوص وکیلی و اۉرین باسری طارق علی بخیت و همراه هیئتی بیلن کابل ده اوچره‌شگنیدن خبر بیرگن.
بو اوچره‌شوو ۱-ثور، شنبه کونی شام پیتی بولیب اۉتگن، عبدالسلام حنفی اسلامی همکارلیک تشکیلاتیدن، گامبیا ده اوشبو تشکیلات نینگ ۱۵-دور ییغیلیشی‌ده سرپرست حکومت وکیل‌لری چقیریلیشینی اېسته‌گن.
اسلام امیرلیگی سۉزلاوچیسی نینگ اورین باسری حمدالله فطرت گه کوره، بو اوچرهشووده اسلام امیرلیگی باش وزیری نینگ اداری اۉرین باسری افغانستان بیلن مذکور تشکیلات نینگ همکارلیک‌لری کېنگه‌یشی اوستیگه تاکید اېتگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اسلام امیرلیگی باش وزیری نینگ اداری اۉرین باسری اۉتگن کون کیچ قورون اسلامی همکارلیک تشکیلاتی نینگ وکیل‌لری و افغانستان‌ده مذکور تشکیلات نینگ مخصوص وکیل‌لری بیلن اوچرهشووده افغانستان ده‌گی واقعیت‌لرنی جهان گه کورسه‌تیش‌لرینی سۉره‌گن.»
ارگ نینگ بیانیه‌سیده کېلیشیچه، عبدالسلام حنفی افغانستان ده‌گی موجود واقعیت‌لر نی بیان قیلیش و بو ییغیلیش ده‌گی فکر-ملاحظه‌لر و مصلحت‌لرنی تېنگلش اوچون اسلام امیرلیگی وکیلی چقیریلیشی کېره‌ک دیگن.
حنفی نینگ کوپه‌یتیریشیچه، اسلامی مملکت‌لر نینگ قیینچیلیگی بیر خیل و حلی اوچون قۉشمه شکلده اقدام بولشی کېره‌ک.
سیاسی ایش بیلرمان‌لر اسلام امیرلیگی نینگ اسلامی همکارلیک‌لر تشکیلاتی بیلن یقینلشووینی افغانستان اونیمیگه بیلسه‌لرده؛ بیراق بو تشکیلات مستقل قرار قبول قیله آلمسلیگینی اېته‌دیلر.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمانی بلال فاطمی گه کوره، اسلام امیرلیگی نینگ مذکور تشکیلات بیلن مناسبتی، افغانستان ده‌گی بعضی قیینچیلیک‌لر حل اېتیلیشی گه سبب بوله‌دی.
اونینگ کوپه‌یتیریشیچه: «بو تشکیلات فلسطین خلقی و اسلامی مملکت‌لر حقوقینی قۉللب-قوتلش اوچون شکللنگن اېدی، استه-سیکین غرب گه تیه‌ندی و حاضرگچه اولر نینگ غایه‌لرینی اېزله‌یدی و اسلام عالمی حقوق‌لریدن هېچ بیریدن دفاع قیله آلمه‌دی. مثالی فلسطین ده دوام اېته‌یاتگن بربریت دیر، ېنه هم اسلام امیرلیگی نینگ بو تشکیلات بیلن مناسبتینی مستحکم‌لشی قیینچیلیک‌لر حلی اوچون یاردم بیره‌دی.»
سیاسی ایش بیلرمان‌لردن باشقه بیری عبدالجبار اکبری نینگ ایتیشیچه، تاریخ بویلب اسلامی مملکت‌لرده‌گی قیینچیلیک‌لر حلی اوچون اسلامی همکارلیک تشکیلاتی یالغیز بیر اعلامیه ترقه‌تیش بیلن تیه‌نگن.
اونگه کوره: «اولر گه منفعت‌لری مهم دیر و خواطرلرینی بیان قیله‌دیلر؛ بیراق خواطرلرینی اعلامیه ترقه‌تیش بیلن بیلدیره‌دیلر؛ مملکت‌لر نینگ قیینچیلیگی حلی اوچون حاضرگچه یاردم بیره آلمه‌گن، دنیا همجمعیت بیلن علاقه‌سی بولیب و قرار قبول قیلیش ده مستقل اېمس‌لر.»
ایتیش کېره‌ک، اسلام امیرلیگی باش وزیری اداری اۉرین باسری اسلامی همکارلیک تشکیلاتی هیئتی بیلن اوچرهشووده، مذکور تشکیلات نینگ فرهنگی، اجتماعی و ایچکی ایشلر عمومی باشلیغی همده اجرائیه باشلیغی حضوری بار اېدی.
اسلامی همکارلیک تشکیلاتی نینگ ۱۵-دور ییغیلیشی قویاش اوشبو ییل ۱۴ و ۱۵ ثور کون‌لری گامبیا پایتختی بانجول شهری ده اۉتکزیلیشی کوتیله‌دی.
