طبیعی آفت‌لرنی باشقریش ایشلری بوییچه دولت وزیرلیگی، سونگی بیر نیچه کون جریانیده یوز بیرگن سوو تاشقین‌لری عاقبتیده انسانی تلفات سانی کوپه‌یشی نینگ آلدی آلینیشی مقصدیده، تشقی یاردم بیرووچی نهادلردن ولایت‌لرده‌‌گی سوو تاشقینی قربانی‌لری گه عاجل یاردم بیریلیشینی ایسته‌‌گن.
مذکور وزیرلیک اوتگن کون بیر قطار یاردم بیرووچی نهادلر نماینده‌لری بیلن اوتکزگن شاشلینچ ییغینی‌ده بو موضوع نی بیان قیلیب و کوپه‌یتیریشیچه، ۲۳ ولایت سونگی نیچه کون جریانیده‌گی سوو تاشقینلردن جدی شکلده زیان کورگن.
بیزلرنینگ «ایکس» ترماغی ده هم تعقیب قیلینگ!
طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی محمد‌عبدالله جان سایق نینگ ایتیشیچه، سونگی نیچه کون جریانیده‌گی سوو تاشقینلر نتیجه‌سیده، ۷۰ کیشی اولیب و ۵۶ کیشی ایسه یره‌لنگن.
اونینگ ایتیشیچه: «افغانستان بویلب سوو تاشقین‌لری عاقبتیده قریب ۷۰ کیشی قربان بولیب و قریب ۵۶ کیشی یره‌لنگن، ۲۶۲۷ یشش اوی بوتونلی یا که قسمی شکلده بوزیلگن، تورت مکتب هم بوزیلگن، ایکّی مینگ ۱۷ چاروه هم تلف بولگن، شونینگدیک ۹۵ مینگ ۸۶۱ جریب ایکینچیلیک ییر بوزیلگن.»
طبیعی آفت‌لرنی باشقریش ایشلری بوییچه دولت وزیرلیگی نینگ ییغینی‌ده، UN, OCHA, DRC, WFP, UNCHR, IOM نماینده‌لری نینگ حضوری بولیب و سوو تاشقینلردن زیان کورگنلر گه یاردم‌لری نینگ دوامی‌دن ایشانچ بیرگنلر. ایتیلیشچه، اوشبو نهادلر ساغلیق، نهدی، ییگولیک ماده، ایچیم‌لیک سوو و باش پنه یاردم‌لر ارائه‌سیده هم زیان کورگنلر بیلن همکارلیک قیلیشلری ممکن.
باشقه بیر تاماندن، افغانستان ده بیرلشگن ملت‌لر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری یا-ده اوچا نینگ اعلام قیلیشیچه، افغانستان ده سونگی یاغینگرچیلیکلرده بیرمینگ ۲۰۰دن آرتیق عایله زیان کوریب و ۱۰۰۰ یشش اوی و ۶۳مینگ جریب ییر هم تخریب بولگن.
شونده‌ی بیرحالده، سوو تاشقینلردن زیان کورگنلردن قطاری یاردم قولگه کیلتیرمه‌گنلری و باش‌پنه‌سیزلیک‌دن شکایت قیله‌دیلر.
غزنی یشاوچیسی بسم‌الله نینگ ایتیشیچه: «کیچه ساعت ۱۱ بجه اوی ییقیلدی و اوی‌لریمیز نینگ قیته قوریش گه امکانیتیمز یوق.»
غزنی یشاوچیلریدن باشقه بیری سیدضیا نینگ ایتیشیچه: «سونگی یاغینگرچیلیک کوپ زیان ییتیشتیرگن. حادثه‌لر گه قرشی کوره‌ش ریاستی گه عریضه قیلدیک. اوی نی سروی قیدیلر، لیکن حاضرگچه یاردم بیریلمه‌گن. بو توغریده دولت آرقه‌لی یاردم بیریلیشی نی کوتیب تورگن‌میز.»
باشقه بیر تاماندن پکتیا ولایتی نینگ وزی زدران یشاوچیسی بولمیش شیخ محمد نینگ ایتیشیچه، سونگی سووتاشقینلر و یامغیرلر نتیجه‌سیده، یقینداشلریدن بیری نینگ اویی ییقیلیب و مذکور عایله نینگ ۵ اعضاسی اولگن دیر.
بیزلرنینگ فیسبوک صحیفه‌میزگه باش اورینگ!
شیخ محمد نینگ کوپه‌یتیریشیچه: «یریم کیچه اوی اوستلری گه چپه بولگن. بیر ایرکک اوچ باله و بیر قیزی بیلن دیوارلر آستیده قالگن. تورموش اورتاغی ایکی اوغلی بیلن یره‌لنگن. ۵ کیشی اولدی. محل یشاوچیسی کیلیب اولر گه یاردم بیردیلر. حاضر اولر نینگ حیات کیچیریش اوچون هیچ جایلری یوق. سرپرست‌لری هم یوق. اولرنینگ یاردم گه نیازلری بار. و اولر بیلن همکارلیک بولیشی کیرهک.»
ایتیش کیرهک که، قویاش اوتگن ییل هم مملکت ولایت‌لریدن قطاری‌ده طبیعی حادثه‌لر یوز بیرگنی سبب، اهالی اینیقسه قیشلاق یشاوچیلری گه کوپینچه جای و مالی زیانلر ییتیشگن ایدی.
