افغانستان خبرچیلر مرکزی بوگون (چهارشنبه، ۲۹-حمل) بیر بیانیه ترقه‌تیب سرپرست حکومت معلومات و مدنیت وزیرلیگی تامانیدن نور و بریا خصوصی ایکّی تلویزیون نینگ فعالیتی توخته‌تیلیشینی یېتکرمه‌لر قانون-قاعده‌لری گه قرشی دیب و اولر نینگ بو قرارینی مملکت ده یېتکرمه‌لر اېرکین‌لیگینی چېکلش دیب اته‌گن.
اوشبو نهاد بیر بیانیه ترقه‌تیب بو قرار بیکار قیلینیشی و مذکور تلویزیون‌لر قیته دن فعالیت گه باشلشینی سۉره‌گن.
سرپرست حکومت معلومات و مدنیت وزیرلیگی، یېتکرمه‌لر شکایت‌لرینی تېنگلش و خطالرینی تېکشیریش کمیسیون، محکمه حکمی صادر بولمه‌گونچه نور و بریا تلویزیون‌لری نینگ فعالیتینی توخته‌تیش گه قرار قیلگن.
یېتکرمه‌لر شکایت‌لرینی تېنگلش و خطالرینی تېکشیریش کمیسیون اعضالری اۉتگن کون کابل ده خبری بیر ییغیلیش‌ده، مذکور ایکّی تلویزیون یېتکرمه‌لر قانون-قاعده‌لری، ملی و اسلام قدریت‌لری گه قرشی نشرات بیریش اوچون فعالیت‌لری توخته‌تیلگنینی اېتگن.
بیزلرنینگ فیسبوک صحیفه‌میزگه باش اورینگ!
بریا خصوصی تلویزیون نینگ خبر بولیمی مدیری وسیم احمد ادیب نینگ سلام‌وطندار گه ایتیشیچه، بو یېتکرمه اسلام امیرلیگی نینگ ملی و اسلام قدریت‌لرینی رعایت قیلیش گه دایر برچه بویروغ‌لرینی رعایت قیلر اېدی.
اونینگ کوپه‌یتیریشیچه: «حکومت بو یېتکرمه اسلام قدریت‌لرینی رعایت قیلمه‌ی و آگاهی‌لیک‌لری گه اعتبار بیرمه‌گنینی اېته‌دی، بو ادعالرنی تصدیقله‌ی آلمه‌یمیز بلکه بریا تلویزیونی اسلام امیرلیگی نینگ برچه بویروغ‌لری و اېستک‌لرینی رعایت قیلگن.»
ادیب جنابلری نینگ کوپه‌یتیریشیچه، بریا تلویزیونی افغانستان ده‌گی محروم و مظلوم همده اسلام عالمی نینگ آوازی اېدی و بو تلویزیون نینگ فعالیتی احتمالاً سیاسی مسئله‌لر باعث توخته‌تیلگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، معلومات و مدنیت وزیرلیگی مسئوللری نینگ ایتیشلریچه، نور و بریا خصوصی تلویزیون‌لر نینگ فعالیتی یېتکرمه‌لر شکایت‌لرینی تېنگلش و خطالرینی تېکشیریش کیمسیون نینگ قراری و یېتکرمه‌لر قانون-قاعده‌لری اساسیده توخته‌تیلگن.
مذکور وزیرلیک سۉزلاوچیسی خُبیب غفران، بو تلویزیون‌لر نینگ حجت‌لری محکمه گه یوباریلگنینی معلوم قیله‌دی.
اونگه کوره: «نو و بریا تلویزیون‌لری نینگ فعالیتی یېتکرمه‌لر شکایت‌لرینی تېنگلش و خطالرینی تېکشیریش کمیسیون قراری و یېتکرمه‌لر قاعده‌لری اساسیده توخته‌تیلگن، بولر نینگ نشراتی وقتینچه‌لیک توخته‌تیلیب و حجت‌لری محکمه گه یوباریلگن.»
حاضرگی کونده صلاح‌الدین ربانی صاحب امتیازی بولگن نور خصوصی تلویزیونی میلادی ۲۰۰۷ ییل و اسلامی حزب ییتکچیسی گلبدین حکمتیار نینگ اوغلی حبیب‌الرحمان حکمتیار گه تیگیشلی بریا تلویزیونی هم، میلادی ۲۰۱۹ ییل‌ده کورسه‌تووگه باشله‌گنلر.
