طلوع خصوصی تلویزیونی نینگ اعلام قیلیشیچه، اسلامی امارت امر معروف و نهی منکر وزیرلیگی، اوشبو تلویزیون گه یوللـه‌گن مکتوبی‌ده، خارجی هر قنده‌ی سریال نشر قیلیشینی منع قیلگن.
مذکور تلویزیون گه کوره، بوگون صادر ایتیلگن اوشبو مکتوب اساسیده، موبی گروپ گه عاید شبکه‌لر، سریال‌لر نشرینی وقتینچه‌لیک توختته‌دی.
بیزلرنینگ فیسبوک صحیفه‌میزگه باش اورینگ!
طلوع تلویزیونی گه کوره، اسلامی امارت استخبارات اداره‌سی، موبی گروپ‌دن خارجی سریال‌لرنی نشر قیلمسلیک باره‌سیده کتبی ضمانت بیریشینی سوره‌گن.
شونینگدیک، طلوع تلویزیونی سریال‌لر نشری توخته‌تیلیشینی بحث گه آلیش اوچون میدیالر و معلومات و مدنیت وزیرلیگی‌دن مشترک بیر کمیسیون تشکیل ایتیلیشینی طلب قیلگن.
مذکور شبکه نینگ تأکیدلشیچه، نهایی قراردن کیین «دولت قاعده‌لری معلومات و مدنیت وزیرلیگی آدرسیدن» رسمی روشده میدیالر بیلن شریک قیلینیشی کیره‌ک.
بیزلرنینگ توییترده هم تعقیب قیلینگ!
ایتیش کیره‌ک که، سابق دولت قوللشیدن کیین، میدیالر جدی قیینچیلیکلر جمله‌دن چیکلاولر یره‌تیلیشی گه روپه‌رو بولیشگن. گرچند میدیالرنی قوللب قوتلاوچی اداره‌لر اسلامی امارت حکومتی نینگ بو کبی ایشلریدن تنقید ایتسه‌لرده؛ لیکن حاضرگچه نتیجه بیرمه‌ی و چیکلاولر سیستمه‌تیک شکلده عملگه آشیریلماقده.
