افغانستان ایرکین میدیالری دن حمایت قیلووچی نهاد (نی)، بوگون (سه‌شنبه، ۳۰-عقرب، ۲۱ نومبر گه تینگ)، خلق‌ارا تلویزیون کونی مناسبتی بیلن ترقه‌تگن بیانیه‌سیده، سونگی ایکی ییل ده افغانستان ده ۵۲ فایز تلویزیون‌لر نینگ فعالیتی توخته‌گنینی معلوم قیلگن.
افغانستان ایرکین میدیالریدن حمایت قیلووچی نهاد نینگ یازیشیچه، ۲۱-نومبر بیرلشگن ملت‌لر تشکیلاتی تامانیدن خلق‌ارا تقویم ده تلویزیون کونی اوله‌راق تنلنگن. خلق‌ارا تلویزیون کونیدن هر ییلی افغانستان ده نشانلنه‌دی.
بیزلرنینگ فیسبوک صحیفه‌میزگه باش اورینگ!
نی نینگ کوپه‌یتیریشیچه: «بو ییل افغانستان ده کوپ سانده ییتکیرمه‌لر فعالیتی توخته‌گن بیرحالده خلق‌ارا تلویزیون کونی ییتیب کیلگن. تلویزیون ایکی سنه دن بیری ایرکین سوز، معلومات بیریش تمثالی اوله‌راق ایجابی رول اوینب کیلماقده.»
افغانستان ایرکین میدیالریدن حمایت قیلووچی نهاد گه کوره، افغانستان ده ییتکیرمه‌لر اینیقسه تلویزیون‌لر نینگ احوالی قانیقرلی ایمس، ییتکیرمه‌لر دن حمایت قیلووچی ملی و خلق‌ارا نهادلر بوتوغریده دقت قیلیش‌لری کیره‌ک.
شونینگدیک نی، مسئوللر دن «افغانستان ده ییتکیرمه‌لر یوق بولمسلیگی اوچون» ییتکیرمه‌لرنی قوللب قوتلب و سالیق‌لرینی کمه‌یتیریشنی سوره‌گن.
بیزلرنینگ «ایکس» ترماغی ده هم تعقیب قیلینگ!
مذکور اداره، افغانستان ایرکین ییتکیرمه‌لری اینیقسه تلویزیون‌لر نینگ مسئوللری دن، «طرف‌سیزلیک، مستقل‌لیک دایمی قالیش اوچون بو ارزش‌لر گه بناً، فعالیت‌لری گه دوام بیریش‌لرینی طلب قیلگن.
افغانستان ایرکین میدیالریدن حمایت قیلووچی نهاد نینگ کوپه‌یتیریشیچه، بو نهاد نینگ معلوماتی اساسیده، افغانستان ده ۱۴۷ تلویزیون دن ۷۷ ته‌سی اقتصادی قیینچیلیک باعث فعالیتینی توخته‌تگن.
