بوگون دوشنبه ۱۳-فبروری خلقارا رادیو کونی گه ماس دیر. اوشبو کون شوندهی بیرحالده کیلگن که، ینگیلیکده هرات ده عیاللر گه اختصاص بیریلگن «سحر» محلی رادیوسی چیکلاولر و اقتصادی قیینچیلیکلر سبب، فعالیتی نی توختهتگن.
مذکور رادیو مدیر مسئولی فرشته کریمی نینگ سلاموطندار گه ایتیشیچه، اقتصادی قیینچیلیک و حاضرگی وضعیت، او و همکارلری نی ایشلهشدن دلسرد قیلیب و مخاطبلری گه برنامه تیار قیلهآلمهیشلری گه سبب بولگن.
بیزلرنینگ توییترده هم تعقیب قیلینگ!
اونینگ کوپهیتیریشیچه: «اقتصادی قیینچیلیک سبب، سحر رادیوسی هم فعالیتی نی توختهتگن رادیولردن دیر. اوشبو رسانه ایشلاوچیلری نینگ قریب ۸۰ فایزی نی عیاللر تشکیل بیرهر ایدی. سونگی کونلرده رسانهلر اینیقسه رادیو سحر خصوصیده چیکلاولر یرهتیلدی که بو، ایشلاوچیلردن قطاری نینگ ایشدن دلسرد بولیشلری گه سبب بولدی.»
باشقه بیر تاماندن، غربی و جنوبغربی ولایتلردهگی رادیولر مسئوللری و رسانهلردن حمایت قیلووچی نهادلردن بیر قطاری نینگ ایتیشلریچه، اقتصادی قیینچیلیکلر نینگ دوام قیلگنی صورتده، اوشبو ولایتده رادیولردن کوپینچهسی نینگ باغلنیشی ممکن.
شونینگدیک افغانستان ده رادیولر بیر بیریدن کیین شوندهی بیرحالده فعالیتد قالماقده که، حاضرگی وضعیتده مخاطبلر نینگ ایشانچی گه کوره، انترنت و رسانهلر سانی کوپهیشی بیلن، بیراق رادیو افغانستان و دنیاده مخاطبلر گه ایگه بولیب و ایشیتیلهدیگن یالغیز بیر رسانه دیر.
فیروزکوه شهری یشاوچیسی عبدالبصیر نینگ ایتیشیچه: «غور ولایتیده باشقه رادیولر نی ایشیتیشیمیز یانیده، قنچه ییلدن بیری سلاموطندار رادیوسی نی هم ایشیتهمیز و هر دایم معلومات، برنامهلر، خبرلر و گزارشلر نی سلاموطنداردن تعقیب قیلهمیز و یخشی برنامهلری بار. خبرلر و گزارشلر نی یخشی دقیق و وقتی گه نشر قیلهدیلر.»
بیزلرنینگ فیسبوک صحیفهمیزگه باش اورینگ!
افغانستان ده رادیو ایشیتووچیلر نینگ ایتیشلریچه، اوتگن ییلده رادیویی برنامهلر خصوصیده یرهتیلگن چیکلاولر، سلبی تاثیر قیلیب و رادیولردن قطاری اهالی ایسته اساسیدهگی برنامهلر نی تیار قیله آلمهگن.
عین حالده، ولایتلردن قطاریده اسلام امیرلیگی مسئوللری نینگ ایتیشلریچه، معلومات و مدنیت وزیرلیگی رهبری رادیولر بیلن یقین همکارلیگی بار.
هرات معلومات و مدنیت ریاست رئیسی نعیمالحق حقانی و قندهار حاکمی سوزلاوچیسی عطاالله زید نینگ ایتیشلریچه: «رادیو، تلویزیون و رسانهلر بیلن ارتباطده بولیش بحثلری و رادیولر ایشلاوچیلری گه آسایشتهلیک ایجاد بولیش و قیینچیلیکلری حلی اوچون کیرهکلی اقداملر قولگه آلینگن.»
ایتیش کیرهک که، خلقارا رادیو کونی شوندهی بیرحالده کیلگن که، رسانهلر و خبرچیلردن حمایت قیلووچی تشکیلاتلر تامانیدن ارائه بولگن معلوماتلر اساسیده، افغانستان ده ۳۰۷ رادیویی دستگاهدن، حاضر قریب ۱۷۰ رادیو فعال دیر و شونینگدیک رسانهلر ایشلاوچیلریدن یوزلرچهسی ایشسیز بولگن.