هرات‌لیک چاپ‌خانه‌دارلردن قطاری نینگ ایتیشلریچه، قریب بیر هفته آلدین اوشبو ولایت بلدیه ریاستی، هرات ده‌گی برچه تبلیغاتی شرکت‌لر و چاپ‌خانه‌لر گه مکتوب یوللب و اولردن جان‌دارلر نینگ عکس‌لرینی چاپ قیلمسلیکلرینی سوره‌گن.
اوشبو مکتوب ده کیلیشیچه: «مرکزی رسمی‌لر تامانیدن اوشبو اداره گه بیریلگن شفاهی بویروغ ده، جان‌دارلر نینگ عکسینی چاپ و ترقه‌تیش اسلامی امارت قانون_قاعده‌لری گه قرشی دیر. شونی اوچون شهردارلیک ریاستی معلومات و مدنیت وزیرلیگی و هرات ولایتی استخبارات ریاستی نینگ بویروغی گه بناً، جان‌دارلر نینگ عکسی چاپ و ترقه‌تیلیشی گه توسیق بولیشی کیره‌ک.»
بیزلرنینگ فیسبوک صحیفه‌میزگه باش اورینگ!
بیراق هرات‌لیک چاپ‌خانه‌لر مسئوللری و چاپ‌خانه‌دارلردن قطاری، اسم‌لری سِر قالیش شرطی بیلن، اسلامی امارت مسئوللری نینگ بو اقدامی گه قرشی‌لیک قیلیب ایتیشلریچه، سونگی نیچه کون ایچیده تبلیغاتی تابلو‌لرده جان‌دارلر نینگ عکس‌لری چاپ بولیشی منع ایتیلیشی بیلن، کوپ زیان کورگن‌لر.
اولر نینگ ایتیشلریچه، اسلامی امارت مسئوللری جان‌دارلر نینگ عکس‌لرینی چاپ ایتگن تقدیرده قانونی تیرگاو بولیش‌لریدن آگاه لنتیرگن. اولر اوشبو یول آرقه‌لی درآمد قیلیب و مسئوللردن اقتصادی انقراض گه روپه‌ره بولمسلیک باعث بو گَل چیکلاو یره‌تیلمسلیگینی طلب قیله‌دیلر.
بیراق هرات شهردارلیک ریاست مسئوللری اوشبو مکتوب ترقه‌لیشینی سوء‌تفاهم عنوان قیلیب ایتیشلریچه، بو موضوع یالغیز بلدیه ریاستی گه باغلیق و باشقه ارگان گه تیگیشلی ایمس.
بیزلرنینگ توییترده هم تعقیب قیلینگ!
هرات بلدیه باشلیغی حیات‌الله مهاجر فراهی نینگ سلام‌وطندار گه ایتیشیچه، اولر اوشبو موضوع‌نی یالغیز مذکور اداره نینگ نشراتی بولیمیده منع قیلگنلر.
عین‌حالده، بوندن آلدین هرات محلی مسئوللری بولایتده باشقه چیکلاولرنی یره‌تگنلر. رستورانت‌لرده عایله‌وی (عیال و ایرکک) آوقتلنمسلیگی، خاتین قیزلر گه هیداوچیلیک جوازی بیریلمسلیگی و سونگی ده اوشبو ولایتده میدیالرده عیاللر خبرنگارلری فعالیتی منع قیلینگن.
