بوگون (دوشنبه، ۳۰ عقرب) افغانستان ایرکین میدیالریدن حمایت قیلووچی نهاد (نی)، خلق‌ارا تلویزیون کونی مناسبتی بیلن بیر بیانیه ترقه‌تیب ایتیشیچه، اسلام امیرلیگی حاکمیتیدن کیین افغانستان ده ۵۰ فایز تلویزیون‌لر نینگ نشراتی توخته‌گن.
۲۱ نومبر خلق‌ارا تلویزیون کونی گه ماس دیر. اوتگن ییل‌لرده اوشبو کوندن افغانستان ده مخصوص مراسم آرقه‌لی نشانلنر ایدی.
بیزلرنینگ فیسبوک صحیفه‌میزگه باش اورینگ!
افغانستان ایرکین میدیالریدن حمایت قیلووچی نهاد گه کوره، اوتگن ایکی سنه ده افغانستان ده تلویزیون‌لر نینگ آچیلیشی کتته یوتوق‌لردن سنله‌دی؛ بیراق اوتگن بیر ییل ده افغانستان ۵۰ فایز تلویزیون‌لری نینگ نشراتی توخته‌گن.
مذکور نهاد، افغانستان تلویزیون‌لری نینگ نشراتی توخته‌لیش عاملینی اقتصادی قیینچیلیک عنوان قیله‌دی. نی نینگ بیانیه‌سیده کیلیشیچه، اسلام امیرلیگی حاکمیتیدن کیین، افغانستان ده ۴۸ فایز رادیولر نینگ نشراتی و چاپی برچه میدیالر نینگ فعالیتی توخته‌گن.
ایتیش کیره‌ک که، ینگی‌لیکده افغانستان ایرکین میدیالر خلق‌ارا ائتلافی اعضالیگیدن چیقریلدی. ایرکین میدیالر خلق‌ارا ائتلافی (MFC) قوشمه باشلیغ‌لری هالند و کانادا، جمعه کونی، ۲۷ عقرب، افغانستان نینگ اوشبو ائتلاف اعضالیگیدن چیقریلیشیدن خبر بیردیلر.
مذکور ایکی مملکت گه کوره، برچه اعضا اولکه‌لر و ایرکین میدیالر خلق‌ارا ائتلافی نینگ قانون_قاعده‌لری گه بناً، افغانستان اوشبو ائتلاف اعضالیگیدن چیقریلیشگه قرار قیلینگن.
بیزلرنینگ توییترده هم تعقیب قیلینگ!
ایرکین میدیالر خلق‌ارا ائتلافی بیر بیانیه ترقه‌تیب، افغانستان ده ییتکیرمه‌لر نینگ حاضرگی وضعیتیدن خواطر بیلدیریب و بو مملکتده‌گی میدیالر وضعیتی، خلق‌ارا تعهدلر گه ماس ایمس دیگن.
مذکور ائتلاف نینگ بیانیه‌سیده کیلیشیچه، ایرکین میدیالر خلق‌ارا ائتلافی گه اعضا مملکت‌لر، خلق‌ارا قانون_قاعده‌لر گه حرمت قیلیشه‌دی و اوشبو قاعده‌لرنی رعایت ایتمه‌گن مملکت، برچه اعضا تامانیدن مسئول دییله‌دی.
