اسلام امیرلیگی ییتکچیسی هبت‌الله آخوندزاده ۲۹-حمل، چهارشنبه کونی قندهار ده دین عالملری و سوداگرلردن بیرقطاری بیلن اوچره‌شووده مملکت‌ده کان‌لر قازیب چیقریلیش ایشی باشلنیشی بیلن افغانستان اقتصادی رواجلنگن بیر مملکت گه اېلنیشی ممکن دیگن.
اسلام امیرلیگی رهبری اوشبو اوچره‌شووده، افغانستانده برچه معمالر گه چېک قوییلیب و هېچ کیم حاضرگی احوال دن خواطرده بولمسلیگینی اېتگن.
بیراق اقتصادی ایش بیلرمان‌لر نینگ ایشانچی گه کوره، مملکت‌ده اقتصادی برچه معمالر کان‌لرنی قازیب چیقریش بیلن حل بولمه‌یدی بلکه ایکینچیلیک و صناعت رواجلنیشی گه هم باغلیق دیر.
اقتصادی ایش بیلرمان سیر قریشی نینگ سلام‌وطندار گه ایتیشیچه: «اقتصاد ییر، ایش، باشقریش و سرمایه یاتقیزیش کبی تورت عامل گه باغلیق دیر؛ شونی اوچون ایش زمینه‌سی یره‌تیلیب و فقرالر ایش بیلن تامینلنیشی اوچون صناعت و ایکینچیلیک‌نی رواجلنتیریش کېره‌ک.»
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لردن باشقه بیری عبدالنصیر رشتیا گه کوره: «کان‌لرنی قازیب چیقریش اوستون قرار بیریلیب و افغانستانده پروسس قیلیش قابلیتی یره‌تیلیشی درکار؛ بونده‌ی حالده درآمدیمیز مقداری آشه‌دی و صناعت همده ایکینچیلیک بولیم‌لریده‌گی قیینچلیک هم حل اېتیلیشی کېره‌ک.»
اوشبو اقتصادی ایش بیلرمان‌لر، اقتصاد رواجلنیشی اوچون دولت قۉشنی مملکت‌لر و دنیا بیلن سیاسی و اقتصادی مناسبتینی مستحکم قیلیشی کېره‌ک دیېدیلر.
خلق‌ارا یاردم بیرووچی تشکیلات‌لر نینگ معلومات‌لری اساسیده، افغانستانده انسان پرورلیک یاردم‌لر گه احتیاجی بولگن کیشی‌لر نینگ سانی ۲۰ میلیون دن کوپراق بولیشینی معلوم قیلگن بیرحالده، اسلام امیرلیگی مملکت ده‌گی معمالر حل بولیب و اقتصاد رواجلنیشی‌دن ایشانچ بیرماقده‌لر.
افغانستانده بیرلشگن ملتلر تشکیلاتی نینگ انسان پرورلیک یاردم‌لرینی هماهنگ قیلووچی نماینده‌لیگی (اوچا) اوچ آی آلدین افغانستان نینگ ۲۳.۷ میلیون فقراسی که بو مملکت نینگ یریمیدن کوپراق اهالیسینی تشکیل بیره‌دی، میلادی اوشبو ییل‌ده تېریک قالیش اوچون انسان پرورلیک یاردم‌لر گه محتاج‌لیگینی اعلام قیلگن اېدی.
بیزلرنینگ «ایکس» ترماغی ده هم تعقیب قیلینگ!
کابل ده‌گی محتاج‌لردن بیرقطاری اقتصادی احوال‌لریدن نالیب و سرپرست حکومت تامانیدن اولر گه ایش زمینه‌لری یره‌تیلیشینی اېسته‌یدیلر.
کابل یشاوچیسی ابراهیم سکیز کیشی‌لیک عایله سرپرستی دیر ایتیشیچه، قولیده‌گی غلته‌گی آرقه‌لی قیینلیک بیلن ۵۰ افغانی ایشله‌یدی؛ بو مقدار پول بیلن عایله اعضالری نینگ احتیاج‌لرینی تامینله‌ی آلمه‌یدی.
اونینگ کوپه‌یتیریشیچه: «ایش و غریبچیلیکّه قوییشمه‌یدی؛ غلتک بیلن بازار گه کېلسک بیزدن سالیق آلیشه‌دی؛ نه کون ایشله‌ی آله‌میز نه کیچه. هر کونی ۵۰ افغانی ایشله‌ی من؛ اوچ آی‌لیک اوی اجاره‌سی قالگن.»
کابل یشاوچیلریدن باشقه بیری حلیمه نینگ ایتیشیچه: «عایله مینی زممگه؛ خیرات ییغیش ده قولیم سیندی؛ مینی موتر اۉردی. حاضر اوی ده اون و یاغ یوق؛ پلاستیک ساته‌من، معلوم اېمس بیران کیشی آله‌دیمی یوق.»
ایتیش کېره‌ک بوندن آلدین کان‌لر و پترولیم وزیرلیگی سلام‌وطندار بیلن اۉتکزگن صحبتیده، کان‌لرنی قازیب چیقریش درآمدلرینی بویوک لایحه‌لرنی عملگه آشیریش و سوو تاشقین‌لرینی قوریش ایش‌لری گه صرفله‌یدی و بو لایحه‌لر عملگه آشیریلیشی بیلن بیر قنچه اهالی ایش بیلن تامینلنیشینی اېتگن.
