اسلام امیرلیگی، سۉنگی بیر هفته ایچیده اقتصادی ایکّینچی هیئتینی تورکمنستان گه یوللـه‌گن. اسلام امیرلیگی صناعت وسوداگرلیک وزیرلیگی نورالدین عزیزی ییتکچیلیگی ده اسلام امیرلیگی هیئتینی دولت اداره‌لری و خصوصی سکتور رسمی‌لری همراه‌لیک قیله‌دیلر.
صناعت و سوداگرلیک وزیرلیگی سرپرستی گه کوره، اوشبو سفرده اونی ۱۷ خصوصی سکتور وکیل‌لری همراه‌لیک قیله‌دیلر و سفری دایره‌سیده افغان-تورکمن سوداگرلیگینی باغلش کنفرانسینی آچیب و تورکمنستان ده افغانستان تولیدلری کوگرزمه‌سی یولگه قوییله‌دی.
اوشبو کورگزمه ده افغانستان گه عاید ۳۰۰ شرکت نینگ تولیدلری کورگزمه گه قویلیشی کوتیله‌دی، بیراق افغانستان نینگ ۲۵۰ قتنشه‌دیگن شرکتی‌دن ۱۵ ته‌سی عیاللر گه عاید دیر.
صناعت وسوداگرلیک وزیرلیگی سرپرستی نینگ ایتیشیچه: «تورکمنستان نینگ یوقاری مرتبه‌لی عملدارلری تجارت، ترانزیت و سوداگرلیک قیینچیلیک‌لری حلی بوییچه بیز بیلن مذاکره قیلیب و ۳۰۰ شرکت قتنشیشی ریجه‌لشتیریلگن بیر بویوک کورگزمه آچیلیشی هم ممکن.»
بیزلرنینگ فیسبوک صحیفه‌میزگه باش اورینگ!
نورالدین عزیزی، افغانستان و تورکمنستان آره‌سیده سوداگرلیک و ترانزیتی علاقه‌لر رواجلنتیریش نی اوشبو سفری نینگ باشقه مقصدلری‌دن بیری عنوان قیلیب، تورکمنستان بیلن آلیش-بیریش ده برابرلیک زمینه‌سی یره‌تیلیشی اوچون تلاش قیلیشی‌دن ایشانچ بیرگن.
صناعت و سوداگرلیک وزیرلیگی نینگ سۉنگی معلوماتی اساسیده، ایکّی تامانلمه آلیش-بیریش ده تورکمنستان نینگ ۴۵۰ میلیون دالر و افغانستان نینگ قریب ۱۵۰ میلیون دالر سهمی بار.
عین‌حالده، افغانستان سوداگرلیک و سرمایه یاتقیزیش اتاقی، افغانستان نینگ باشقه مملکت‌لر بیلن سوداگرلیک و ترانزیتی علاقه‌سی یخشی‌لنیشی اوچون بو گَل سفرلرنی اونیملی دیب و افغانستان سوداگرلری اونگیده‌گی معمالر اېنیقسه ویزه قیینچیلیگی حلی اوچون بو تلاش‌لری نتیجه بیریش گه امید بیلدیره‌دی.
بیزلرنینگ «ایکس» ترماغی ده هم تعقیب قیلینگ!
سوداگرلیک و سرمایه یاتقیزیش اتاق سۉزلاوچیسی جان‌آقا نوید نینگ سلام‌وطندار گه ایتیشیچه: «بو سفر ایکّی مملکت نینگ مناسبتی اېنیقسه سوداگرلیک مناسبت‌لر مستحکم‌لنیشی اوچون اونیملی بولیشی گه امید بیلدیره‌من سوداگرلیک معمالر جمله دن ویزه قیینچیلیگی حلی اوچون امید بیلدیره‌من.»
اقتصادی ایش بیلرمان‌لر، تورکمنستان و اورته آسیا مملکت‌لری بیلن علاقه یخشی‌لنیشی اوچون آلیب باریله‌یاتگن سعی‌وحرکت‌لرنی افغانستان اونیمی گه بیله‌دیلر.
اقتصادی ایش بیلرمان عبدالنصیر رشتیا گه کوره: «قوشنی و منطقه مملکت‌لر بیلن اقتصادی استراتیژیک علاقه مخصوص اهمیت گه اېگه دیر چونکه افغانستان گه یره‌تیلگن اقتصادی تحریم‌لر همان بیکار قیلینمه‌گن.
ایتیش کېره‌ک، بوندن آلدین اسلام امیرلیگی تشقی ایشلر وزیرلیگی سرپرستی امیرخان متقی اۉتگن هفته باشلنیشی‌ده بیر هیئت ییتکچیلیگی‌ده تورکمنستان گه سفر قیلیب و اوشبو مملکت رسمی‌لری بیلن ایکّی تامانلمه ترانزیت و اقتصادی همکارلیکلر حقیده بحث ایتگن اېدی.
