کان‌لر و پترولیم وزیرلیگی، ۲۰-جدی، چهارشنبه کونی، ایکس اجتماعی ترماغی ده، اوشبو وزیرلیک سرپرستی کابل ده تورکمنستان ایلچیسی بیلن اوچره‌شگنیدن خبر بیرگن.
کان‌لر و پترولیم وزیرلیگی گه کوره، بو وزیرلیک سرپرستی شهاب‌الدین دلاور، کابل ده تورکمنستان ایلچیسی خواجه عوض‌اوف بیلن اوچره‌شیب، تاپی پروژه ایشی باشلنیشی حقیده بحث ایتگن.
بیزلرنینگ فیسبوک صحیفه‌میزگه باش اورینگ!
بو اوچره‌شووده ایکی تامان، تاپی پروژه ییرلری استملاک بولیشی، اهمیتی و هرات ولایتی ده بو پروژه نینگ عملی ایشلری باشلنیشی اوچون زمینه یره‌تیلیشینی محاکمه قیلگنلر.
تاپی پروژه نینگ عملی ایشی ۲۰۱۸-ییل جمهوریت توزومی ده تورت مملکت جمله دن افغانستان، تورکمنستان، پاکستان و هندوستان ییریک رسمی‌لری نینگ حضوری بیلن هرات ده رسمی روشده باشلندی، بیراق ایریم دلیل‌لر سبب نیچه مرته ایشی توخته‌تیلدی.
بیزلرنینگ «ایکس» ترماغی ده هم تعقیب قیلینگ!
برچه‌سی بیلن تامان‌لر، تاپی پروژه ایشی عملی روشده قچان باشلنیشینی بیللی قیلمه‌گنلر.
تاپی پروژه نینگ پایپ لاینی بیر مینگ ۸۰۰ کیلومتر اوزون‌لیگی بولیب و تورکمنستان گازینی افغانستان آرقه‌لی پاکستان و کیین ایسه هندوستان گه انتقال بیره‌دی.
