اسلامی امارت تشقی ایشلر وزیرلیگی نینگ سرپرستی امیرخان متقی ییتکچیلیگیده ترکمنستان پایتختی عشق آباد سفر قیلگن افغانستان هیاتی، ترکمنستان باش وزیری نینگ اورین باسری و تشقی ایشلر وزیری رشید مرادوف و اوشبو مملکت نینگ باشقه بیرقطار رسمی لری بیلن اوچره شکن‌لر.
اسلامی امارت تشقی ایشلر وزیرلیگی ترقه‌تکن بیاناتیده ایتیشیچه، اوشبو اوچره‌شووده ایکی تامان سیاسی، اقتصادی، دیپلوماتیک و خوفسیزلیک مسئله‌لرنی بحث گه آلیشکن.
بیزلرنینگ فیسبوک صحیفه‌میزگه باش اورینگ!
بیانات گه اساس، ایکی مملکت ییریک رسمی لری ایکی تامان نینگ تخنیکی تیم لری میلادی آی نینگ ۲۲ سی‌ده کابل ده ییغین اوتکزیب، برق، تاپی پروژه‌سی و تیمیر یولی ایشینی مارچ آی‌ده آچیب وعملی روشده باشلش که قرار قیلگن‌لر.
شونینگدیک اعلامیه ده کیلیشیچه، ایکی تامان سوداگرلیک و خصوصی اداره لرنینگ فعالیت آلیب باریلیشی، مرمر تاشی، تازه و قوریق میوه صادراتی‌نی کوچه یتیریش، آقینه و تورغندی تیمیر یولی پروزه‌سینی بیتتیریش و شمال (باد) برقی اوستیده سرمایه یاتقیزیش موضوع لر محاکمه قیلینگن.
مذکور ییغینده، افغانستان دن مرکزی و جنوبی آسیا ترانزیتی یولی اوله راق فایده لنیب و اوشبو یول آرقه‌لی، گاز، معدنی ماده لر، ییگولیک آزیق-آوقت و سوداگرلیک توارلر انتقال بیریلیشی بوییچه کیلیشیلگن.
اوشبو ییغینده اشتراک ایتکن ترکمنستان رسمی لری اسلامی امارت مقام لری گه بو مملکت؛ کووید ۱۹ باعث کابل ده قالگن اونلب افغانستان لیک طلبه گه قویاش ینگی ییل باشله نیشی بیلن استه-سیکین سفر قیلیشکه رخصت بیریش لریدن ایشانچ بیرگن لر. بولرگه علاوه نفت و گاز، تیمیر یولی، تکنالوژی بولیم‌لریده افغانستان لیک طلبه لرگه تحصیلی بورسیه بیریلیشی اوستیگه کیلیشکن‌لر.
