روسیه نینگ تاس خبرگزارلیگی پاکستانلیک رسمی‌لردن نقل قیلیب گزارش بیرگن که، تاپی پروژه‌سی یا ترکمنستان گازی نینگ افغانستان، پاکستان و هند گه انتقال بیریش ایشی توخته‌تیلگن.
اقتصادی ایشلر بوییچه پاکستان مرکزی حکومتی نینگ وزیری عمر ایوب خان اوتگن کون تاس خبرگزارلیگی گه ایتیشیچه، مذکور پروژه نینگ ایشی افغانستان وضعیتی بیللی بولگنیدن کیین باشلنه‌دی. شونینگدیک جناب خان نینگ ایتیشیچه، برق نینگ انتقال بیریش پروژه‌سی (کاسا ۱۰۰۰) نینگ ایشی هم توخته‌تیلگن.
بیزلرنینگ فیسبوک صحیفه‌میزگه باش اورینگ!
تاپی پروژه‌سی ترکمنستان نینگ گازی نی افغانستان آرقه‌لی پاکستان و هند و تاپ پروژه‌سی ایسه ترکمنستان نینگ برقی نی افغانستان آرقه‌لی پاکستان گه انتقال بیریشی ممکن. ترکمنستان، افغانستان، پاکستان و هند تاپی پروژه‌سی نینگ کیلیشوونامه‌سینی قویاش ۱۳۹۶- ییل حوت آیی ده امضاله‌دی؛ بیراق مذکور پروژه نینگ عملی ایشی حاضرگچه افغانستان ده باشلنمه‌گن.
اوتمیش‌لرده تاپی پروژه‌سی نینگ تطبیق ایتیلمه‌‌یش دلیلی امنیتی تهدیدلر دییلگن ایدی، بیراق اسلامی امارت مسئوللری نیچه پیت آلدین هرات ده ترکمنستانلیک هیأت بیلن اوتکزگن اوچره‌شووده بو پروژه گه توسیق بولگن نیرسه‌لر کوتاریلگنی نی اَیتیب و اونینگ عملی ایشی تیزلیککه باشله‌نیشی ممکن دیگن ایدی.
