کانلر و پترولیم وزیرلیگی نینگ ایتیشیچه، تورکمنستان رسمیلری بیلن افغانستان هیئتی نینگ اوچرهشوولری و کیلیشووی اساسیده، افغانستان ده تاپی پروژهسی نینگ عملی ایشی اینگ یقینده باشلنهدی.
کانلر و پترولیم وزیرلیگی سوزلاوچیسی همایون افغان نینگ سلاموطندار گه ایتیشیچه: «تاپی پروژهسی موضوعسی افغانستان هیئتی سفریده اساسی موضوعلردن ایدی. بو توغریده فایدهلی صحبتلر صورت تاپدی و اینگ یقینده افغانستان ده اوشبو پروژه عملی ایشی باشلنیشی گه شاهد بولیشیمیز ممکن.»
شوندهی بیرحالده، تورکمنستان گه سفر قیلیب و مذکور مملکت رسمیلری بیلن اوچرهشگن اسلام امیرلیگی تشقی ایشلر وزیرلیگی سرپرستی امیرخان متقی نینگ ایتیشیچه، تورکمنستان رسمیلری بیلن اوچرهشگنی، نتیجهلی بولیب و بیر قطار موضوعلر خصوصیده کیلیشگنلر.
بیزلرنینگ «ایکس» ترماغی ده هم تعقیب قیلینگ!
جناب متقی تشقی ایشلر وزیرلیگی نینگ ایکس صحیفهسیده ترقهلگن ویدیوده ایتیشیچه: «تاپی پروژهسی باشلنیشی، افغانستان گه برق صادراتی کوپهیشی، تیمیر یولی و تجارت موضوعسی خصوصیده بحث بولگن و برچه بولیملرده ایشانچ سطحی یوقاری کیتیب و ایکی مملکت منطقه بویلب یخشی رول اوینهش نی ایستهیدی. برچه بولیملرده یخشی توافقلر صورت تاپگن.»
تشقی ایشلر وزیرلیگی سرپرستی، تورکمنستان تشقی ایشلر وزیری رشید مرادوف بیلن اوچرهشگنیده، تاپی پروژهسی عملی ایشی باشلنیشی خصوصیده افغانستان نینگ تیارگرلیگیدن ایشانچ بیرگن.
شونینگدیک تورکمنستان تشقی ایشلر وزیر رشید مرادوف، تاپی پروژهسی نی تورکمنستان اوچون «استراتژیک اهمیت گه ایگه و بویوک پروژه» دیگن.
سرپرست حکومت تشقی ایشلر وزیرلیگی نینگ ایکس صحیفهسیده تورکمنستان تشقی ایشلر وزیری رشید مرادوف دن نقل قیلینیب یازیلیشیچه: «تورکمنستان تاپی پروژهسیده ییترلیچه ایشلهگن و ایکی مملکت قوشمه تیملری نینگ سعی و حرکت قیلیشلری ممکن. تاپی تورکمنستان اوچون استراتژیک اهمیت گه ایگه و بویوک پروژه دیر.»
بیزلرنینگ فیسبوک صحیفهمیزگه باش اورینگ!
عین حالده، اقتصادی ایش بیلرمانلردن قطاری نینگ ایتیشلریچه، تاپی پروژهسی نینگ عملی ایشی باشلنیشی افغانستان اوچون اقتصادی رواجلنیشی گه سبب بولیشی ممکن.
اقتصادی ایش بیلرمان نصیر رشتیا نینگ ایتیشیچه: «هر قنچه رابطهلریمیز نی کوپهیتیرگنیمیزده، اوشنچه افغانسنان گه یاردم بیرهدی. تاپی پروژهسی نی یولگه قویه آلسهک، میلیونلرچه دالر دولت فایدهسی گه بولهدی و ایش زمینهسی نی کوپهیتیرهدی. باشقه بیر تاماندن، بو کبی بویوک پروژهلر افغانستان ده سرمایه یاتقیزیش اعتباری نی آشیرهدی.»
تاپی پروژهسی، منطقهده گاز انتقال بیریش اینگ بویوک پروژهسی دیر که اونینگ آرقهلی ییلده تورکمنستان نینگ ۳۳ متر مکعب گازی، افغانستان یولیدن هندوستان و پاکستان گه انتقال تاپهدی.