افغانستان ده امریکا ایلچیلیگی شارژدافیری اوز ایکس صحیفه‌سیده، افغانستان گه یاردم‌لر ارائه بولیش پروسه‌سی قنده‌لیگی خصوصیده یاردم بیرووچی مملکت‌لر و بیرلشگن ملت‌لر تشکیلاتی نهاد‌لری نینگ تیکشیریلیشی باشلنیشی‌دن خبر بیرگنی‌دن کیین، اقتصاد وزیرلیگی‌ده مسئوللر افغانستان اهالیسی اوچون بیرلشگن ملت‌لر تشکیلاتی و دنیا نینگ انسان‌پرورلیک یاردملری دوامینی اونملی دیگنلر.
اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه، افغانستان اهالیسی اوچون بیرلشگن ملت‌لر تشکیلاتی و باشقه مملکت‌لر نینگ انسان‌پرورلیک یاردملری دوامی، آزیق-آوقت ناتینچ‌لیگی بیلن قرشی کوره‌ش اوچون فایده‌لی دیر.
جناب حبیب نینگ کوپه‌یتیریشیچه: «اوتگن ایکی یریم ییل‌ده مملکت‌لر آرقه‌لی بیریلگن یاردم‌لر، باشلنگنی‌دن حاضرگچه مستقیم و دولتی اداره‌لر نینگ اره‌لشمسی‌دن صورت تاپگن و اقتصاد وزیرلیگی فعالیت و سکتور‌لر آره‌سیده کیره‌کلی هماهنگ‌لیک‌لر یولیدن پروژه‌لر تطبیقی خصوصیده آسایشته‌لیک یره‌تیلیشی اوچون زمینه یره‌تیلیشی گه سعی‌وحرکت قیلگن. انسان‌پرورلیک یاردم‌لر اقتصاد و آزیق-آوقت ناتینچ‌لیگی بیلن قرشی کوره‌ش اوچون فایده‌لی بولگن دیر.»
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچیسی نینگ اورغولشیچه، آستقورمه پروژه‌لر تطبیق بولیشی بیلن بیرلشگن ملت‌لر تشکیلاتی نینگ انسان‌پرورلیک یاردملری دوامی، اهالی نینگ ایش بیلن شغللنیشی و اولر گه دایمی ایش زمینه‌سی یره‌تیلیشی اوچون کوپراق فایده‌لی دیر.
افغانستان ده امریکا ایلچیلیگی شارژدافیری کرن دیکر، اوتگن کون شام چاغی، (دوشنبه، ۲۱-حوت)، اوز ایکس صحیفه‌سیده یازیشیچه، بیرلشگن ملت‌لر تشکیلاتی نهاد‌لری و یاردم بیرووچی مملکت‌لر، افغانستان گه ارائه قیله‌دیگنلری یاردم‌لر قنده‌یلیگی پروسه‌سی نینگ تیکشیره‌دیلر.
اوشبو بیانیه نینگ بیر بولیمی‌ده کیلیشیچه: «بیرلشگن ملت‌لر تشکیلاتی آژانسلری و یاردم بیرووچی مملکت‌لر، افغانستان ده یاردم‌لر ارائه‌سی نی تیکشیریش اوچون ییغیلیب، یاردم بیرووچیلر افغانستان گه یاردم‌لر دوامی و همکارلیگی اوچون ایشله‌یدیلر.»
شونینگدیک خانم دیکر اوشبو بیانیه‌ده تیکشیریش نینگ قچان و قیرده باشلنیشی نی بیللی قیلمه‌گن؛ بیراق تیکشیریشلر نینگ اساسی تمرکزی یاردم‌لر نینگ شفافلیگی و نظارتی خصوصیده بولگنی گه تاکید قیلگن.
شونده‌ی بیرحالده، انسان‌پرورلیک یاردم‌لردن فایده‌لنگن نیازمند کیشیلردن قطاری نینگ ایتیشلریچه، اولر نینگ نیازلریدن بویوک بیر قسمی بو یول آرقه‌لی حل بوله‌دی؛ لیکن حاضر ایسه مذکور یاردم‌لر کیسیلگن دیر.
عایله سرپرستی بولمیش کمبغل کیشیلردن بیری آمنه نینگ ایتیشیچه: «عایله سرپرستی و بیوه‌مین. ۵ باله‌م بار. هیچ کیمیم یوق. بیر-ایکی آی یاردم بیردیلر، قیین‌چیلیگیمیز حل بولگن ایدی. ییگولیک ماده بیره‌ر ایدیلر. حاضر ایسه ایرتنگ اوچون بیر نرسه قولگه کیلتیرسک، کیچه گه هیچ نرسه یوق. کیچه اوچون بیر نرسه قولگه کیلتیرسک، کون اوچون هیچ نرسه‌میز یوق. ایکی-اوچ کیچه هم آچ یاتدی باله‌لریم.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، حاضرگچه هیچ قنده‌ی یاردم قولگه کیلتیرمه‌گن نیازمند کیشیلردن قطاری، یاردم بیرووچی تشکیلات‌لر همکارلیگی نی ایسته‌گنلر.
کابل ده‌گی کمبغللردن بیری خان شیرین نینگ ایتیشیچه: «بیران کون قوروق نان اوی گه آلیب کیته‌من. اوی کرایه‌سی هم بار. کون اوتیب کیتماقده. ییگولیک ماده‌لر نی هم بیران رقم قیلیب حل قیله‌میز، لیکن کسل‌لیک نی قنده‌ی قیله‌یلیک.»
ایتیش کیره‌ک که، بیرلشگن ملت‌لر تشکیلاتی اوتگن هفته، ۲۳ میلیون‌دن آرتیق افغانستان‌لیک نینگ انسان‌پرورلیک یاردم‌لر گه نیازمند بولگنی نی اعلام قیلگن بولسه‌ده، اوشبو تشکیلات یاردم بیرووچی مملکت‌لر مالیه‌وی سوزلری نینگ کیچیک بیر قسمی نی قولگه کیلتیرگن.
