۲۰- گروه باشلیغ‌لری نینگ اولتیریشی دنیا اقتصادی قدرت‌لرنینگ اشتراکی بیلن ایتالیا میزبان‌لیگی گه باشلنگن.
طالبان گروهی نینگ قطرده‌گی سیاسی دفتری سوزلاوچیسی سهیل شاهین، بیر توییت آرقه‌لی جای‌سیز بولگنلر، کم‌بغل اهالی و قیش موسومیده زیان کوره‌دیگن‌لر وضعیت‌لریدن خواطر بیلدیریب و ۲۰- گروه اعضالریدن افغانستان نینگ توخته‌تیلگن پولی‌نی آزاد قیلیشینی سوره‌ب و انسان دوستلیک یاردم‌لرگه دوام بیریش‌لرینی ایسته‌گن.
عین‌حالده، بیرلشگن ملت‌لر تشکیلاتی نینگ انسان دوستلیک بولیمیده‌گی نماینده‌سی هم افغانستان اقتصادی نابود ایتیلیشی و جاری ییل قیش موسومیده اوشبو مملکت جمعیتیدن یریمی آذیق-آوقات کم‌لیگی بیلن روپه‌ره بولیشیدن آگاه‌لنتیرگن.
بیراق، ایش بیلرمانلردن قطاری نینگ ایشانچ‌لریگه کوره، یالغیز انسان دوستلیک یاردم‌لر و افغانستان سرمایه‌لری نینگ آزاد ایتیلیشی، افغانستانده انسانی فاجعه‌نی کنترول قیله آلمه‌یدی.
سیاسی ایش بیلرمانلردن بیری مصطفی علی‌زاده نینگ ایتیشیچه، اوشبو فاجعه دن چیقیش اوچون ایچکی برنامه‌لر موجود بولیشی کیره‌ک.
سیاسی ایش بیلرمانلردن باشقه بیری اکرم عارفی نینگ ایتیشیچه، افغانستانده اروپا بیرلشمهسی و ۲۰- گروه گه اعضا بولگن مملکت‌لرنینگ دقتی نی جلب قیلیش و اولرنینگ افغانستان‌گه یاردم بیریش توغریسیده بیرگن تعهد‌لریگه عمل قیلیش اوچون حاکم دولت نینگ کوپلب سعی و حرکت قیلیشی کیره‌ک.
بوتوغریده اسلامی امارت رسمی‌لری نینگ فکرینی آلیش اوچون سعی و حرکت قیلدیک، لیکن موفق بولمه‌دیک.
۲۰- گروه باشلیغ‌لری نینگ سابق ییغین نی جاری میلادی ییل نینگ ۱۲- تاریخیده یولگه قوییلگن ایدی. مذکور ییغینده اروپا بیرلشمهسی افغانستان و افغانستان‌لیک مهاجرلرنی قبول قیله‌دیگن مملکت‌لرگه بیر میلیارد یورو یاردم بیریشی‌نی اعلان قیلگن ایدی.
