ایکینچیلیک وزیرلیگی، بدخشان ولایتیده «عسل» (بال) ایشلب چیقریش ۱۰ فایز گه کوپهیگنینی معلوم قیلدی.
اوشبو وزیرلیک، بوگون (۲۱ سنبله/۱۲ سپتمبر، شنبه) بیر بیانیه ترقهتیب، بدخشان ولایتیده اوتگن ییل گه نسبتن قویاش ۱۴۰۵-ییلده عسل ایشلب چیقریش ۱۰ فایز گه آشگنینی معلوم قیلدی.
بیانیه گه کوره، بدخشان ولایتیده فصلدن تشقری یاغینگرچیلیکلر و ژاله یاغیشی، ایریم حدودلرده عسل اریلری و ایشلب چیقریشی اوستیگه سلبی تأثیر قویگن بولسه-ده، اریچیلر و فارم ایگهلری اوتگن ییلگه قرهگنده بو ییل قانیقرلی شکلده عسل آلگنلرینی ایتگنلر.
بدخشان، طبیعی ییلاولر، خیلمه-خیل اوسیملیک همده طبیعی و دارو گللر گه بای بولگنی سببلی، اریچیلیکنی رواجلنتیریش و صفتلی عسل ایشلب چیقریش اوچون یخشی امکانیتلر گه ایگه. واخان و پامیر تومنلریدن تشقری، ولایتنینگ باشقه برچه تومنلریده اری باقیش اوچون قولی اقلیمی و طبیعی شرایطلر بار.
