ایکینچیلیک، سووغاریش و چارواچیلیک وزیرلیگی، قویاش ۱۴۰۵-ییل کوکلم موسمیده قندهار ولایتیده ۴۴.۴ تُن عسل ایشلب چیقریلگنینی معلوم قیلدی.
اوشبو وزیرلیک، بوگون (۱۸ سرطان/۹ جولای، پنجشنبه) بیر بیانیه ترقهتیب یازیشیچه، قندهار ولایتیده اوشبو ییل فقط کوکلم موسمیده ۴۴.۴ تُن متریک عسل ایشلب چیقریلگن و اوتگن ییل گه قرهگنده سیزیلرلی درجهده آشگنینی کورستهدی.
بیانیه گه کوره، عسل ایشلب چیقریشنینگ مثلی کوریلمهگن درجهده آشیشی قندهار ایکینچیلیک ریاستینینگ علیحده اعتباری، عسل اریلرینی زمانهوی تربیهلش و چارواچیلیک صلاحیتلرینینگ آشیریشی نتیجهسی دیر.
بیانیه اساسیده، قویاش ۱۴۰۴-ییلده قندهار ولایتیده جمعی ۴۳ فارم فعال بولگن، بیراق اوشبو ییل کوکلم موسمی یکونیگچه فعال فارملر سانی ۶۸ ته گه آشگن و اونینگ نتیجهسیده عسل ایشلب چیقریش مقداری سیزیلرلی درجهده آشگن.
ایسلهتیب اوتهمیز، قویاش ۱۴۰۴-ییلده قندهار ولایتیده کوکلم و یاز موسملریده جمعی ۵۶ تُن متریک عسل ایشلب چیقریلگن ایدی، اوشبو مقداردن ۲۱ تُن متریک کوکلم موسمیده ایشلب چیقریلگندی. بیراق بو ییل فقط کوکلم موسمیده ۴۴.۴ تُن متریک عسل ایشلب چیقریلگن، اوتگن ییلگه نسبتن ۲۳ تُن متریک کوپهیگنینی کورستهدی.
