مملکت نینگ شمال، جنوب و غرب حوزه‌لر یشاوچیلریدن قطاری، ایچیم‌لیک سوو کملیگیدن شکایت قیلیب سلام‌وطندار گه ایتیشلریچه، ولایت‌لریده سوو سطحی پسه‌یشی سبب، عایله‌لری گه ایچیم‌لیک سوو تأمین‌لش اوچون کیلومترلرچه یول نی یوریش گه مجبورلر.
اولر نینگ ایتیشلریچه، منطقه‌لریده اریق‌لر، بولاق‌لر و سوو قودوق‌لریدن کوپینچه‌سی قوریب و شونینگدیک اوزاق منطقه‌لردن آلیب کیله‌دیگنلری ایچیم‌لیک سوو، پاک ایمس دیر.
تخار ولایتی روستاق تومنی یشاوچیسی عبدالغفور نینگ ایتیشیچه، منطقه‌لریده ایچیم‌لیک سوودن فایده‌لنه آلمه‌ی، عایله‌سی نینگ نیازی بولگن سوو نینگ تیارلش اوچون اوزاق منطقه‌لر گه باریب، بشکه‌لری نی بیر کیچه و کوندوز نوبت گه قویه‌دی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «عایله‌م نینگ نیازی بولگن سوو نی تأمین‌لش اوچون بیر کیچه و کوندوز بشکه‌لر نی نوبت گه قویه‌من و کیین ایسه بیر قیین‌چیلیک بیلن نیاز بولگن سوو نی تأمین‌له‌یمن.»
شونینگدیک هلمند و غور یشاوچیلریدن قطاری، ایچیم‌لیک سوو یوقلیگی‌دن شکایت قیلیب، سرپرست حکومت‌دن بو قیین‌چیلیک نینگ حل بولیشینی ایسته‌‌گنلر.
هلمند نینگ ناوه تومنی یشاوچیسی عمران، قوروق‌چیلیک‌دن نالیب ایتیشیچه: «قوروق‌چیلیک دیر و یامغیر یاغیشی نی کوتیب تورگن‌میز. هر ییر قوروگن و سوو یوق. اوزاق منطقه‌لر گه باریب بیراز سوو آلیب کیله‌میز که او هم اونچه‌لیک پاک ایمس. باله‌لریمیز بو سوودن قوللنیشلری سبب کسل بولگنلر.»
غور مرکزی فیروزکوه شهری یشاوچیسی فضل‌احمد، سوو کملیگیدن شکایت قیلیب و سرپرست حکومت‌دن اهالی نینگ ایچیم‌لیک سوو گه قول تاپیشی اوچون قوله‌ی‌لیک یره‌تیلیشی نی ایسته‌گن.
عین حالده، بیرلشگن ملت‌لر تشکیلاتی نینگ انسان‌پرورلیک یاردم‌لر نی هماهنگ قیلووچی دفتری یا-ده اوچا، ینگی‌لیکده هوا اوزگریشلری خصوصیده خواطر بیلدیریب، ایکس صحیفه‌سیده یازیشیچه، حاضر ایسه افغانستان ده ۲۱ میلیون کیشی ایچیم‌لیک سوودن فایده‌لنه آلمه‌یدی.
مذکور نهاد نینگ کوپه‌یتیریشیچه، افغانستان نینگ ۳۰ ولایتیده ایچیم‌لیک سوو صفتی کوپ قویی دیر و اهالی‌دن کوپینچه‌سی نینگ تورلی‌خیل کسل‌لیک‌لر گه چلینیش خوفی بیلن روپه‌ره قیلگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، سوو و برق وزیرلیگی مسئوللری اوچا نینگ گزارشینی تصدیق‌لب ایتیشلریچه، افغانستان ده ۲۱ میلیون‌دن آرتیق کیشی نینگ سوو کم‌لیگی بیلن روپه‌ره بولگنی ممکن.
سوو و برق وزیرلیگی نینگ سوو ییتکزیش بولیمی باشلیغی عمار مموزی نینگ ایتیشیچه، اوشبو وزیرلیک سوو تنقیص‌لیگی حل بولیشی اوچون، سوو منبع‌لری نی کوریب چیقگن‌دن کیین، کیره‌کلی ایشلر نی عمل گه آشیره‌دی. «اوچا نینگ گزارشی نی تصدیق‌له‌یمیز و ۲۱ فایز‌دن آرتیق کیشی نینگ ایچیم‌لیک سوو کم‌لیگی بیلن روپه‌ره بولگنی ممکن. سوو منبع‌لری نی کوریب چیقگن‌دن کیین کیره‌کلی ایشلر نی عمل گه آشیره‌میز.»
ایتیش کیره‌‌ک که، نیچه پیت آلدین بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف)، بیر گزارش ترقه‌تیش بیلن، اوزون زمان‌دن بیری قوروق‌چیلیک‌لر سبب افغانستان نینگ سوو منبع‌لریدن ۴۲ فایزی قوریب و نتیجه‌ده، مذکور مملکت یشاوچیلریدن کوپینچه‌سی سوو کم‌لیگی بیلن روپه‌ره بولگنلری نی ایتگن ایدی.
