هرات‌لیک اری (زنبور) ایگه‌لری دن بیرقطاری، عسل اری‌لری آره‌سیده «واروا» کسللیگی ترقه‌لیشیدن خواطر بیلدیریب ایتیشلریچه، اوشبو کسللیک قریب ۷۰ـ۸۰ فایز عسل اری‌لری گه زیان ییتکیزیب و محصولات‌لری کمه‌یشیگه سبب بولگن.
هرات ده اری ایگه‌لریدن بولمیش غنچه‌گل کریمی نینگ سلام‌وطندار گه ایتیشیچه، مذکور کسللیک بیر ییل دن بویان ترقه‌لیب و کونسه‌یین اولرگه زیان ییتکیزماقده.
بیزلرنینگ فیسبوک صحیفه‌میزگه باش اورینگ!
او هرات ایکینیچلیک و چارواچیلیک ریاست مسئوللری دن، اوشبو بیمارلیک ترقه‌لیشینی آلدینی آلیش اوچون اری ایگه‌لرینی قوللب_قوتلش‌لرینی سوره‌یدی.
غنچه‌گل نینگ ایتیشیچه: «تأسف بیلن قورغاقچیلیک اری‌لر و اری ایگه‌لری آره‌سیده کسللیک‌لر گه سبب بولیب و کنه و باشقه بیمارلیکلر تاپیلیشی گه باعث بولدی و آلدینی آلیب بولمسدی. حاضرگچه اوشبو ویروس آلدی آلینگن ایمس و یوقاری لوازم ده‌گی‌لر بوتوغریده دقت قیلیش‌لری گه امید بیلدیره‌من.»
عین‌حالده، هرات زنبوردارلر انجمن مسئوللری نینگ ایتیشلریچه، اوشبو کسللیک اری‌لر زیان کوریشی و زنبوردارلیک محصولات‌لری کمه‌یشیگه سبب بولگن.
هرات زنبوردارلر انجمن مسئولی محمدشعیب ابراهیمی گه کوره: «بو کسللیک علایمی هیچ معلوم بولمه‌یدی، بعضی وقت‌لر اری‌لرنی کندو یقینیده پیاده یوریش‌لرینی کوره‌میز و بعضی وقت‌لر اری‌لر کوچلی بولمه‌ی استه_سیکین کوچ‌سیز بولیشه‌دی، نهایت یوقاله‌دی و اولرنی باشقه کوچلی قیله آلمه‌یمیز و حاضرافغانستان ده بو کسللیک موجودلیگینی سیزماقده‌میز.»
بیراق هرات ایکینچیلیک و چارواچیلیک ریاست مسئوللری، عسل اری‌لری آره‌سیده بیمارلیک ترقه‌لیشینی رد قیلیب ایتیشلریچه، اوتگن ییل ده‌گی قورغاقچیلیک اری ایگه‌لری گه کم زیان ییتکیزگن ایدی که اوشبو ییل خساره‌لری جبران بولگن.
بیزلرنینگ توییترده هم تعقیب قیلینگ!
هرات ایکینچیلیک ریاستی نینگ چارواچیلیک و حیوانی صحت آمریتی نینگ سرپرستی محمود نبی گه کوره، عسل اری‌لری آره‌سیده کسللیک ترقلگن بولسه، اولر بو توغریده دقت قیله‌دیلر.
هرات اری ایگه‌لری مسئوللری نینگ بیاناتی اساسیده، اوشبو ولایتده ییلی ده قریب ۱۵۰ تُن عسل ایشلب چیقریله‌دی، بیراق بو ییل قنچه عسل تولید بولیشی بیللی ایمس.
