قیزلر یوزی گه مکتب‌لر، بیلیم یورت‌لر و تعلیمی مرکزلر ایشیگی یاپیق قالیشی، هرات ولایتیده قیزلردن قطاری نینگ دینی مدرسه‌لر و دارالحفاظ‌لر گه یوز کیلتیریشی گه سبب بولگن.
مکتب‌لر و بیلیم یورت‌لردن محروم قالگن اوقووچیلر، دینی مدرسه‌لر و دارالحفاظ گه باریش نی، اوی‌ده اولتیریش‌دن قوتقریلیش و دینی علم‌لر نی اورگنیش اوچون یالغیز بیر یول عنوان قیلگنلر.
شونده‌ی بیرحالده، دینی مدرسه‌لر و دارالحفاظ گه یوز کیلتیرگن راحله امینی نینگ سلام‌وطندار گه ایتیشیچه، بیلیم یورت‌لر نینگ یاپیلگنی‌دن کیین، روحی قیین‌چیلیک‌لر گه چلینگن و اوشبو قیین‌چیلیک‌لردن قوتقریلیش اوچون دارالحفاظ گه کیته‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «هر کون ایناغه‌م نینگ بیلیم یورت گه کیتیشی نی کورگنیم پیتده، کوپ رنج ایلته‌من، چونکه استعدادی‌میز برابر ایدی. لیکن او ایرکک بولگنی اوچون بیلیم یورت گه کیته آله‌دی و مین قیز بولگنیم اوچون بیلیم یورت گه کیته آلمه‌یمن.»
شونینگدیک هرات ولایتی‌ده‌گی اوقووچیلردن نوریه احمدی نینگ ایتیشیچه، روحی قیین‌چیلیک‌لردن قوتقریلیش اوچون دینی مرکزلرده تعلیم کوریش گه یوز کیلتیرگن.
نوریه نینگ کوپه‌یتیریشیچه: «مکتب‌لر ایشیگی گه یاپیلگنی‌دن کیین، تعلیمی مرکزلر گه باردیم، بیراق تعلیمی مرکزلر هم یاپیلدی و انه شوو سبب، روحی وضعیتیم خراب بولدی. درس اوقیش اوچون بیر ییر آختریب یوریگن ایدی که، دارالحفاظ‌لر نینگ آچیق بولگنی سبب، قرآن‌کریم اورگنیش اوچون دارالحفاظ گه یوز کیلتیردیم. حاضر ایسه یالغیز امیدیمیز دارالحفاظ دیر.»
شونینگدیک سکیزینچی صنف اوقووچیلریدن زهره نینگ ایتیشیچه، قیزلر یوزیگه مکتب‌لر ایشیگی یاپیلگنی‌دن کیین، کامل شکلده حیات‌دن ناامید بولگن.
زهره گه کوره: «همه جای نینگ ایشیگی قیزلر یوزی گه یاپیق دیر. شکر حداقل دارالحفاظ‌لر ایشیگی گه آچیق که شو ییر گه کیلیب قرآن‌کریم و تجوید نی کوپراق اورگنه‌میز.»
هرات ده قیز اوقووچیلر وطلبه‌لر اسلام امیرلیگی مسئوللریدن قیزلر یوزی گه قیته مکتب‌لر و بیلیم یورت‌لر ایشیگی آچیلیشی نی ایسته‌یدیلر.
عین حالده، اجتماعی بیلرمان‌لردن قطاری نینگ ایشانچی گه کوره، جماعه اینیقسه قیزلر برابریده هر قنچه چیکلاو‌لر نینگ کوپه‌یشی بیلن، جماعه بدیل یول‌لر نینگ تاپیش اوچون کوپراق سعی و حرکت قیله‌دیلر.
بیزلرنینگ توییترده هم تعقیب قیلینگ!
هرات ده اجتماعی فعال‌لردن بیری ابرهیم صمدی نینگ ایتیشیچه، عیال‌لر برابریده چیکلاو‌لر وضع بولینیشی نینگ دوام تاپیشی، کیله‌سی ییل‌لرده مملکت نینگ اقتصادی و تعلیمی توزومی گه سلبی اثرلر قویشی ممکن.
جناب صمدی نینگ کوپه‌یتیریشیچه: «جماعه شناسلیککه کوره انسان برابریده بیر چیکلاو یره‌تیلگنی پیتده، او مذکور چیکلاو یره‌تیلگن ایش نینگ انجام بیریلیشی خصوصیده کوپراق سعی و حرکت قیله‌دی.»
عین حالده، قیزلر یوزی گه مکتب‌لر ایشیگی یاپیلگنی‌دن قریب ایکی ییل اوتگنی بیلن، بیراق اسلام امیرلیگی رسمی‌لری گه کوره، آلتینچی صنف‌دن یوقاری قیز اوقووچیلر تعلیمی کیینگی امرگچه توخته‌تیلگن.
