افغانستان سوداگرلیک و صنعت اتاق عضوی خان‌جان الکوزی نینگ ایتیشیچه، مملکتده هر ییلی قریب ۷ میلیون متریک تُن بوغدای نیاز دیر و اوشبو ییل ده طبیعی آفت‌لر و قورغاقچیلیک باعث اولکه بویلب بوغدای تولیدلری کمه‌یگن.
اونگه کوره، هر ییلی افغانستان روسیه، قزاقستان و اوزبیکستان دن ۹۰ فایز بوغدای واردات قیله‌دی، بیراق بو ییل روسیه، قزاقستان و باشقه مملکت‌لر گه بوغدای صادراتی اجازه‌سینی بیرمسلیگینی بیلدیرگن. الکوزی نینگ کوپه‌یتیریشیچه، بو توغریده‌گی خواطرینی اسلامی امارت مسئوللری بیلن شریک قیلگن.
بیزلرنینگ فیسبوک صحیفه‌میزگه باش اورینگ!
عین‌حالده، ایکینیچلیک، چارواچیلیک و سوغاریش وزیرلیگی سوزلاوچیسی مصباح‌الدین مستعین نینگ ایتیشیچه، ۵۰ فایز بوغدای ایچکی تولیدلردن تأمینلنه‌دی و قالگنی ایسه باشقه مملکت‌لردن وارد ایتیله‌دی.
اونگه کوره، دهقان‌لر نینگ بوغدای‌لرینی ساتیب آلیش و قاچاقی آلدی آلینیشی اوچون اوشبو وزیرلیککه بودجه اختصاص بیریشی باره‌سیده اوز خواطرینی باش وزیر بیلن شریک قیلگن.
اونینگ کوپه‌یتیریشیچه، ضرورت بولگن تقدیرده بوغداینی بازار گه عرضه قیله‌دیلر. او باشقه یاردم بیرووچی مؤسسه‌لردن یاردم سوره‌ب و اهالی‌دن افغانستان بوغداینی باشقه مملکت‌لر گه انتقال بیرمسلیکلرینی طلب قیله‌دی.
عین‌حالده، بیرلشگن ملت‌لر تشکیلاتی نینگ باش کاتبی سونگی بیانیه‌سیده ایتیشیچه، اوکراین اوروشی باشله‌نیشی بیلن دنیا بویلب ییگولیک ماده‌لر نرخی ۳۰ فایز آشگن.
دهقانچیلیک ایشلری بوییچه ایش بیلرمان سید منتظر شاه نینگ ایتیشیچه، اوشبو ییل ده‌گی قورغاقچیلیک افغانستان ده بوغدای نیازلرینی کوچه‌یتیرگن و اونگه علاوه اوکراین اوروشی و ایکینچیلیک و چارواچیلیک وزیرلیگی نینگ برنامه‌سیزلیگی، اولکه بویلب بوغدای وارداتینی کوپه‌یتیرگن.
بیزلرنینگ توییترده هم تعقیب قیلینگ!
اونگه کوره، بوتوغریده حکومت نینگ اقدام‌لری گه علاوه، بو قیینچیلیک حلی اوچون خصوصی بولیم همکارلیک قیلیشی کیره‌ک.
افغانستان ده بوغدای تنقیص‌لیگی سبب، مالیه وزیرلیگی باشقه اولکه‌لر گه بوغدای صادراتی منبع بولیب و برچه باجخانه‌لر مسئوللری گهُ جدی شکلده بوغدای صادراتی اونگینی آلیش بیروغینی بیرگن.
