منبع‌لر نینگ ایتیش‌لریچه، فاریاب، بغلان، پروان، میدان‌وردک و بادغیس ولایت‌لریده سوو تاشقین‌لر باعث، ۱۳ کیشی جان بیرگن و شونینگدیک مذکور ولایتلرده یوزبیرگن سوو تاشقین‌لر نتیجه‌سیده، اهالی گه کوپینچه مالی و جانی زیان ییتیشگن.
فاریاب یشاوچیلریدن بیری عبدالعزیز نینگ سلام‌وطندار گه ایتیشیچه، اوتگن کیچه میمنه شهری نینگ ۳-ناحیه‌سیده سوو تاشقینی باعث، ۵۰۰دن کوپ یشش اوی گه زیان ییتیشگن.
مذکور فاریاب یشاوچیسی گه کوره، اوشبو سوو تاشقین‌ده یشش اویلردن قطاری تخریب بولیب و اوی وسیله‌لری ایسه اورته‌دن کیتگن. فاریاب یشاوچیسی نینگ کوپه‌یتیریشیچه: «سوو تاشقینی اوتگن کیچه ساعت بیرده یوزبیردی و اوی‌لریمیز سوو تاشقینی آستیده قالدی. هر ییل سوو تاشقینی‌دن اهالی زیان کوره‌دی. اسلامی امارت‌دن سوو تاشقین‌لردن توسیق بولیش‌لری اوچون کانال‌لر ایجاد قیلیش‌لری نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن فاریاب طبیعی حادثه‌لر گه قرشی کوره‌شیش ریاست آمری سید مسعود نینگ ایتیشیچه، اوتگن ۲۴ ساعت‌ده سوو تاشقین‌لر سبب، قیصار، کوهستان، پشتونکوت تومن‌لری و میمنه شهریده ۴ کیشی هلاک و ۱۳یوز اوی ایسه زیان کورگن.
اونگه کوره، اوشبو حادثه‌ده ایکینچی‌لیک ییرلردن یوزلرچه‌سی اورته‌دن کیتیب و کمیده ۳۰۰ چاروا تلف بولگن. اونینگ ایتیشیچه: «اوتگن کیچه‌گی سوو تاشقین‌لر قیصار، بندر، پشتونکوت تومنی‌لری و میمنه شهری نینگ یشاوچیلری گه کوپینچه زیان ییتیشتیرگن و میمنه شهریده ایکی کیشی و قیصار‌ده ایسه باشقه ایکی کیشی هلاک بولگن و شونینگدیک ۳۰۰ چاروا تلف بولگن.»
عین حالده، بغلان ولایتی‌ده منبع‌لر نینگ رسانه‌لر گه ایتیش‌لریچه، اوشبو ولایت‌ده سوو تاشقین‌لر نتیجه‌سیده، ۴ کیشی هلاک بولگن، لیکن بغلان معلومات و مدنیت ریاست رئیسی مولوی مصطفی هاشمی، اوشبو ولایت‌ده بیر کیشی نینگ هلاک بولگنی نی تصدیق قیلگن دیر و سوو تاشقین‌لردن زیان کورگنلر گه یاردم بیریشی خصوصیده تیارگرلیگی نی بیلدیرگن.
باشقه بیرتامان‌دن باغیس و پروان ولایت‌لریده منبع‌لر نینگ ایتیش‌لریچه، سوو تاشقین لر نتیجه‌سیده، بادغیس‌ده ۵ کیشی و شونینگدیک پروان‌ده ۲ کیشی هلاک بولگن.
بیزلرنینگ توییترده هم تعقیب قیلینگ!
شونینگدیک میدان وردک، هلمند و فراه ولایت‌لریده‌گی سوو تاشقین‌لر و بوران، اهالی گه کوپینچه زیان ییتیشتیرگن.
میدان‌وردک یشاوچیلریدن بیری نینگ ایتیشیچه: «میدان‌وردک ولایتی‌ده سوو تاشقین‌لر اهالی گه کوپینچه زیان ییتیشتیرگن و اهالی نینگ باغ و ییرلری نی بوزگن. شونینگدیک اوتگن ییل هم اهالی سوو تاشقینی‌دن زیان کوریب و اقتصادی قیین‌چیلیک بیلن روپه‌رو بولگن ایدی.»
شونده‌ی بیرحالده، اوشبو ولایت‌لر طبیعی حادثه‌لر گه قرشی کوره‌شیش ریاست‌لری زیان کورگنلر گه یاردم بیریشلری خصوصیده خبر بیرگنلر.
