پسته، بادغیس ولایتینینگ اینگ اونملی اقتصادی و ایکینچیلیک محصوللریدن بولیب، مینگلرچه عایله پسته باغلرینی یرهتیش، طبیعی اورمانلردن فایدهلنیش و بو محصولنی ساتیش بیلن حیات خرهجتلرینی تامینلهیدیلر. لیکن بادغیس یشاوچیلرینینگ ایتیشلریچه، سونگی ییللرده یاغینگرچیلیکلر کمهیشی و اقلیم اوزگریشلری سبب، پسته ایشلب چیقریلیشی سیزیلرلی درجهده کمهیگن.
بادغیسدهگی دهقانلردن بیری غلامنبی، پسته باغلری یرهتیلیشیگه اهالینینگ قیزیقیشیدن خورسندلیک بیلدیریب و ایتیشیچه: «اقتصادی قیینچیلیکلر کوپ دیر، سوو یوق، قازگنیمیز قودوقلر قوریگن. پسته درختلریگه کوپ سوو بیریلیشی و قیشده سووغاریلیشی کیرهک. لیکن حاضر امکانیتیمیز یوق. دولت بو توغریده همکارلیک قیلیشی کیرهک، عکسینچه حالده، بو بولیمده بویوک اوزگریشلر اورته کیلیشی ممکن.»
بیزلرنینگ «ایکس» ترماغی ده هم تعقیب قیلینگ!
شونینگدیک بادغیس یشاوچیلریدن قطارینینگ اورغولشیچه، پسته مذکور ولایت یشاوچیلرینینگ تیریکچیلیک اصلی منبعلریدن حسابلنهدی؛ بیراق سونگی ییللرده قورغاقچیلیک و سوو تنقیصلیگی سبب، پسته باغلری درست رواجلنمهی و اونینگ تولید بولیشی جدی شکلده کمهیگن.
بادغیس دهگی دهقانلردن باشقه بیری محمد طارقنینگ ایتیشیچه: «پسته حیاتده اونملی اورینگه ایگه دیر. نیچه ییلدن بیری قوروقچیلیک دوام قیلماقده و بوغدای بیلن زیره حاصلاتی عایله نیازلرینینی تامین قیله آلمهیدی. کوچتلر رشدی کوپ ضعیف بولگن و کیلهسی ایکی ییلده قورغاقچیلیک دوام قیلسه، سوودن فایدهلنه آلمهگن منطقهلرده پسته باغلریدن کود قطارینینگ قوریشی و دهقانلر زحمتینینگ اورتهدن کیتیشی ممکن.»
شونینگدیک بادغیس اقتصاد بوییچه ایش بیلرمانلرینینگ آگاهلنتیریشیچه، پسته نهفقط یوقاری ارزشلی ایکینچیلیک محصولی، بلکیم ایش زمینهسی یرهتیلیشی و محلی اقتصاد رواجلنیشیده مهم اورینگه ایگه دیر.
مذکور ولایتدهگی اقتصاد بوییچه ایش بیلرمان عبدالسلامنینگ ایتیشیچه: «بادغیس پستهسی اقتصادی نقطهی نظریدن یوقاری اهمیتگه ایگه دیر و اوندن بیر بولیمی تورلی مملکتلرگه صادر بولهدی. اقلیم اوزگریشلری و قورغاقچیلیک دوام قیلسه، پسته تولیدی کمهیهدی و بو مسئله توغری اقتصاد و اهالینینگ آزیق-آوقت خوفسیزلیگیگه تاثیر قویهدی. اوشبو محصولنینگ نجات بیریش اوچون سوونینگ مدیریت بولیشی، پسته اورمانلری قیته قوریلیشی، دهقانلردن فنی و مالی حمایت بولیشی، سرمایه یاتقیزیلیشی، پاکتلنیش و دهقانلرگه کیرهکلی تعلیملر بیریلیشی، اونملی دیر.»
شونینگدیک بادغیس ده محلی مسئوللر سونگی ییللرده یاغینگرچیلیکلر کمهیشیدن خواطر بیلدیریب و ایتیشلریچه، ایکینچیلیک محصوللری اینیقسه پستهنینگ ییغیم-تیریم میزانی، بو ییل اوتگن ییلگه قرهگنده سیزیلرلی درجهده کمهیگن.
بیزلرنینگ فیسبوک صحیفهمیزگه باش اورینگ!
بادغیس حاکمی سوزلاوچیسی رحیمالله رحیمینینگ ایتیشیچه: «بو ییل اوتگن ییلگه قرهگنده پسته حاصلی کمهیگن. قوروقچیلیک بیلن قرشی کورهش اوچون ایکینچیلیک ریاستی تورلی بولیملرده ایشلماقده که اورمانلرنی قیته قوریش، اوتلاقلرنی تنظیملش و سوولرنی مدیریت قیلیش بیلن باغلرنینگ قوریشی آلدی آلینسه. پسته باغلرینینگ قوریلیش پروسهسی ایکینچیلیک ادارهسی سعیوحرکتی و دهقانلر تشویق بولیشی بیلن کوپهیماقده. خلقارا لایحهلر اینیقسه اورمانلر قوریلیشی، سوو منبعلری مدیریت بولیشی و اوتلاقلر وضعیتی یخشیلنیشیگه فایدهلی اورینگه ایگه دیر.»
ایش بیلرمانلر، محلی مسئوللر و بادغیس اهالیسی، اوشبو ولایت پستهسینینگ نهفقط اونملی محصول، بلکیم اهالی فرهنگی و کیملیگی نمونهسی دیگنلر. اولر، تاریخ و فرهنگلری بیر بولیمی صفتیده مذکور محصولنینگ سقلنیشی کیرهکلیگی و رواجلنیشیگه تاکید قیلگنلر.
