قندوز ده ایکینچیلردن قطاری نینگ ایتیشلریچه، جاری ییل‌ده اوشبو ولایت‌ده اوتگن ییل‌لر گه قره‌گنده پسته حاصلاتی کمه‌یگن. اولر گه کوره، اوتگن ییل قیش موسومی‌ده قتیق ساووق، قندوز ده پسته اورمان‌لری گه تاثیر قوییب و یخشی حاصل قولگه کیلمه‌سلیگی گه سبب بولگن.
قندوز ده ایکینچیلردن یردی‌بای نینگ ایتیشیچه: «اوتگن ییل‌لرده پسته درختلری‌دن بیر‌یریم-ایکی سیر پسته قولگه کیله‌ر ایدی و بو ییل ایسه، هر درخت‌ده یالغیز ۲۰-۳۰ پسته بار و درخت‌لرده هیچ پسته یوق؛ اوتگن ییل قیش‌ده برچه‌سی نی ساووق اوردی، بلکیم شو اوچون یا-ده بیران آفت طفیلی، بو یول هیچ حاصل بیرمه‌گن.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قندوز ده ایکینچیلیک ایش بیلرمانلری پسته حاصلاتی کمه‌یگنی سببی نی، ساووق و طبیعی آفتلر کوپه‌یگنی عنوان قیلیب و ایتیشلریچه، اولر ایکینچیلیک، سووغاریش و چاروه‌‌چیلیک وزیرلیگی گه، اوتگن ییل‌لرده اوروشلر جریانیده اورته‌دن کیتگن پسته اورمان‌لری نینگ قیته توزه‌تیلیشی نی بویروغ بیرگنلر.
ایکینچیلیک ایش بیلرمانی فیض‌الدین نبی‌زاده نینگ ایتیشیچه: «بیر قطار پیتلر تورلی طبیعی عامل‌لر سبب، درخت‌لر حاصل بیرمه‌گن، طبیعی آفتلر و قوروق‌چیلیک ایسه پیش‌بینلیک بوله‌دیگن بیر نرسه ایمس؛ چونکه اورمان ساحه‌لریدن کوپینچه‌سی بویوک دیر و آفتلر آلدی نی آلیش خصوصیده اهالی نینگ کوچی ییتیشمه‌یدی.»
قندوز ایکینچیلیک، سووغاریش و چاروه‌‌چیلیک ریاستی مسئوللری نینگ ایتیشلریچه، اوتگن ییل قییش موسومی‌ده هوا نینگ ساووق‌لیگی سبب، اوشبو ولایت‌ده پسته حاصلاتی کمه‌یگن.
بیزلرنینگ «ایکس» ترماغی ده هم تعقیب قیلینگ!
قندوز ایکینچیلیک ریاستی نینگ ایکینچیلیک بولیمی آمری صلاح‌الدین واحدی نینگ ایتیشیچه، اوشبو ولایت‌ده قریب ۲۱ مینگ ۲۱۷ هکتار ییر‌ده پسته اورمانی بار که، ییری دولت گه تیگیشلی دیر. اونینگ کوپه‌یتیریشیچه: «پسته اورمان‌لری حاضرگچه هیچ بیر خصوصی سکتور یا-ده خصوصی شرکت گه اجاره گه بیریلمه‌گن، ایکینچیلیک ریاستی اورمان‌لر نینگ سقلش و مدیریت قیلیش اوچون، آسایشته‌لیکلر یره‌تیب و بیر کمیته ایجاد قیلگن و ایشلاوچیلر آرقه‌لی کیره‌کلی معلومات‌لر نی اهالی گه بیرگن دیر.»
قندوز ده ایکینچیلر گه کوره، پسته درخت‌لری ساووق برابریده آز مقاوتی بار و اوتگن ییل قیش موسومی ساووقی سبب، اوشبو ولایت‌ده پسته اورمان‌لریدن یخشی حاصل قولگه کیلمه‌‌گن.
