فاریابده محلی منبعلر نینگ ایتیشلریچه، اوتگن کیچه اوشبو ولایت مرکزی میمنه شهری نینگ تورلی بولیملریده سوو تاشقینی نتیجهسیده، یشاوچیلر گه کوپینچه مالی و جانی زیان ییتیشگن.
میمنه شهری نینگ ۳_خوفسیزلیک ناحیه یشاوچیلریدن بیری عزیزالله نینگ سلاموطندار گه ایتیشیچه، سوو تاشقینلر مذکور ناحیهده ۵۰۰دن آرتیق یشش اوی نی بوزیب و اوشبو ناحیه اهالیسی گه کوپینچه مالی زیان ییتیشتیرگن.
شوندهی بیرحالده، فاریاب مرکزی کسلخانهسیدن بیر منبع نینگ سلاموطندار گه ایتیشیچه، اوتگن کیچهگی سوو تاشقینلردن، اوشبو کسلخانه گه ایکی باله نینگ جسدی انتقال بیریلگن.
بیزلرنینگ فیسبوک صحیفهمیزگه باش اورینگ!
فاریاب طبیعی حادثهلر گه قرشی کورهشیش ریاست رئیسی اسدالله وقاص، اوشبو واقعه نی تصدیقلب ایتیشیچه، سوو تاشقینلر اهالی گه کویپنچه مالی زیان ییتیشتیرگن، لیکن حاضرگچه بوتوغریده دقیق معلومات قولده یوق.
جناب وقاص نینگ کوپهیتیریشیچه، یاردم بیرووچی نهادلر بیلن عاجل جلسهلر یولگه قویلگن دیر و تیزلیککه زیان کورگنلر گه یاردم بیریلیشی ممکن.
بیزلرنینگ توییترده هم تعقیب قیلینگ!
ایتیلیشچه، افغانستان هواشناسلیک ریاستی ۲۷ ولایتده سوو تاشقی نی و یامغیر یاغیش احتمالی خصوصیده آگاهلنتیرگن دیر. مذکور ریاست تورلی بولیملرده یامغیر نینگ یاغیش میزانی نی ۲۰ الی ۶۰ ملیمتر پیشبینلیک قیلگن.