هرات ده دهقان‌لر و مسئوللر اوشبو ولایت‌ده بو ییل اوزوم نینگ ۱۵۰ مینگ تُن حاصل بیرگنی نی خبر بیریب و ایتیش‌لریچه، بو رقم اوتمیش ییل گه قره‌گنده ۱۵ الی ۲۰ تُن کوپه‌یگن دیر.
شونده‌ی بیرحالده، هرات‌ده ایکینچیلر مملکت‌دن تشقی گه اوزوم محصوللری نینگ صادر بولمه‌‌یشی و بازاری یوقلیگی خصوصیده شکایت قیلیب و ایتیش‌لریچه، اولر محصوللری نی آز پول بیلن ساتیش گه مجبور بولگنلر.
هرات ایکینچیلریدن برهان‌الدین نینگ ایتیشیچه: «بو ییل اوتمیش ییل‌لر گه قره‌گنده الحمد‌الله اوزوم حاصلاتی‌میز کوپه‌یگن، لیکن قیغو بیلن ساتیش بازاری یوق. چونکه کیمیاوی کود‌لر نینگ قیمت‌لیگی و سوو یوقلیگی سبب، عواید‌دن کوپ مصرف بوله‌دی.»
بیزلرنینگ توییترده هم تعقیب قیلینگ!
شونینگدیک هرات ایکینچیلریدن باشقه بیری بصیر احمد نینگ ایتیشیچه: «هیچ بازار یوق. اینگ یخشی اوزوم نی کیلتیره‌میز، لیکن بازار یوقلیگی سبب، یالغیز ۶۰ الی ۷۰ افغانی‌سی ساتیله‌دی.»
باشقه بیر تامان‌دن، هرات ایکینچیلیک اتاق مسئوللری نینگ ایتیش‌لریچه، بو ییل اوزوم حاصلاتی کوپه‌یگنی بیرحالده، بیراق اوشبو محصول نینگ ساتیلیشی اوچون سعی و حرکت صورت تاپمه‌گن و ایکینچیلر محصول‌لریدن ۶۰ فایزی نی مه‌ییز گه تبدیل قیلهدیلر.
اوشبو اتاق رئیسی بشیر‌احمد بهادری نینگ ایتیشیچه، اولر هرات ولایتی نینگ مه‌ییز صادراتی یخشی‌لنیشی اوچون یخشی یول‌لر نی آختریش خصوصیده سعی و حرکت قیلماقده‌لر.
اونینگ کوپه‌یتیریشیچه: «حاضر ایسه هوایی دهلیز یولی‌دن صادر قیله آلمه‌یمیز. تشقی پروازلر آز دیر و اوزوم‌لریمیزدن کوپ قطاری مه‌ییز بوله‌دی.»
بیزلرنینگ فیسبوک صحیفه‌میزگه باش اورینگ!
هرات ایکینچیلیک ریاستی نینگ رواجلنیش مدیری حمید‌الله ناصری نینگ ایتیشیچه، اولر بو ییل تشقی مملکت‌لر گه اوزوم اورنیده مه‌ییز صادر قیلهدیلر.
جناب ناصری گه کوره، اولر ینگی‌لیکده قندهار سوداگرلری و هرات اوزوم تولید قیلووچیلری آره‌سیده ۱۰۸ تُن مه‌ییز آلیش خصوصیده ۳۰۰ مینگ دالر ارزشی بیلن بیر قرارداد نی انجام بیرگنلر.
مسئوللر نینگ ایتیش‌لریچه، اولر اوتمیش ییل ۲۰مینگ تُن‌دن آرتیق اوزوم نی صادر قیلگنلر که اولردن کوپینچه‌سی هوایی دهلیز یولی آرقه‌لی صورت تاپگن.
ایتیش کیره‌ک که، هرات ده ۱۲۰ تیپ اوزوم بار که کیفیت و مزه خصوصیده کوپینچه شهرت گه ایگه دیر.
